കൊച്ചി: വയനാട്ടിലെ രാഹുല്‍ ഗാന്ധിയുടെ സ്ഥാനാര്‍ഥിത്വം അനശ്ചിതത്വത്തിലായത് സി.പി.എമ്മിന്റെ സമ്മര്‍ദം മൂലമെന്ന് ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍പിള്ള. കൊച്ചിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. പ്രാദേശിക പാര്‍ട്ടിയായ സി.പി.എമ്മിനെ കോണ്‍ഗ്രസ് ഭയക്കുകയാണ്. രാഹുല്‍ വന്നാല്‍ നേരിടാന്‍ ബി.ജെ.പിക്ക് ശക്തനായ സ്ഥാനാര്‍ഥിയുണ്ടാകും. പത്തനംതിട്ടയില്‍ ശബരിമല യുവതീ പ്രവേശന വിഷയം പ്രധാന പ്രചാരണ വിഷയമായി ബി.ജെ.പി ഉയര്‍ത്തിക്കാട്ടുമെന്നും അദ്ദേഹം വ്യക്തമാക്കി.