മനാമ: ബഹ്‌റൈനില്‍ മലയാളിയെ കൊല്ലപ്പെട്ട നിലയില്‍ കണ്ടത്തി. കോഴിക്കോട് താമരശ്ശേരി പരപ്പംപൊയില്‍ സ്വദേശി അബ്ദുല്‍ നഹാസ്(29) നെയാണ് ബഹ്‌റൈനിലെ ഹൂറ പ്രവിശ്യയിലെ താമസ സ്ഥലത്ത് കൊല്ലപ്പെട്ട നിലയില്‍ കണ്ടെത്തിയത്.

കഴിഞ്ഞ നാലു വര്‍ഷമായി ബഹ്‌റൈന്‍ പ്രവാസിയാണ്. കഴിഞ്ഞ ദിവസം രാത്രിയാണ് കൊലപാതകം നടന്നത് എന്നാണ് സൂചന. രാത്രി ഫോണില്‍ ബന്ധപ്പെട്ടിരുന്നെങ്കിലും ഫോണെടുത്തിരുന്നില്ലെന്ന് സുഹൃത്തുക്കള്‍ സുപ്രഭാതത്തോട് പറഞ്ഞു.

മൃതദേഹം പോസ്റ്റുമോര്‍ട്ടത്തിനായി സല്‍മാനിയ മെഡിക്കല്‍ സെന്ററിലേക്ക് കൊണ്ടു പോയിട്ടുണ്ട്. കൊലപാതകത്തിനു പിന്നില്‍ മലയാളികള്‍ തന്നെയാണ് എന്നാണ് സൂചന. പൊലിസ് സംഘവും വിരലടയാളവിദഗ്ധരും സ്ഥലത്തെത്തി അന്വേഷണമാരംഭിച്ചു.