പുതുനഗരം: മാധ്യമ പ്രവര്‍ത്തകരെ കണ്ട് വഴിമാറി സഞ്ചരിച്ച കേന്ദ്ര സംഘം. വരള്‍ച്ചാ ബാധിത പ്രദേശങ്ങള്‍ സന്ദര്‍ശിക്കാനെത്തിയ സംഘം ചുള്ളിയാര്‍ ഡാമില്‍ കാത്തുനിന്ന മാധ്യമ പ്രവര്‍ത്തകരുടെ പ്രദേശം മറികടന്ന് ഒന്നര കിലോമീറ്റര്‍ മാറി ഡാം സന്ദര്‍ശിച്ച് മടങ്ങി.
പ്രധാന കവാടത്തിലൂടെ ഡാമിലെത്തുമെന്ന് മുന്‍കൂട്ടി അറിയിച്ചെങ്കിലും മാധ്യമ പ്രവര്‍ത്തകരുടെ സംഘം ഡാമിന്റെ പ്രധാന കവാടത്തില്‍ നിലയുറപ്പിച്ച മാധ്യമസംഘത്തെ  കാണാന്‍ തയ്യാറാവാതെ സന്ദര്‍ശന സ്ഥലം ഡാമിന്റെ പുറകുവശമായ വെള്ളാരന്‍കടവിലെത്തി ഡാം സന്ദര്‍ശിച്ച് മടങ്ങുകയാണുണ്ടായത്.
ജില്ലാ കലക്ടര്‍ ഉള്‍പ്പെടെ 27 വാഹനങ്ങള്‍ ഉള്‍പെട്ട വാഹനവ്യൂഹമാണ് കേന്ദ്ര നിരീ ക്ഷണസംഘത്തെ അനുഗമിച്ചത്. ഒരു മണിയോടെ ചുള്ളിയാര്‍ ഡാമിലെത്തിയ സംഘം 10 മിനിറ്റാണ് ഡാമില്‍ ചിലവഴിച്ചത്.