ശാസ്താംകോട്ട: ഹൈക്കോടതി ജാമ്യം അനുവദിച്ചതിനെതുടര്‍ന്ന് ജയില്‍മോചിതരായ കഴിഞ്ഞ ഹര്‍ത്താല്‍ ദിനത്തില്‍ പ്രകടനം നടത്തിയതിന് കള്ളക്കേസില്‍ കുടുക്കി പൊലിസ് ജയിലില്‍ അടച്ച കുന്നത്തൂരിലെ കോണ്‍ഗ്രസ് നേതാക്കള്‍ക്ക് സ്വീകരണം നല്‍കി. ഡി.സി.സി ജനറല്‍ സെക്രട്ടറി വൈ.ഷാജഹാന്‍, എം.പി നിസാര്‍, ഷെമീര്‍ ഇസ്മയില്‍, ഹാഷിം സുലൈമാന്‍, യൂത്ത്‌കോണ്‍ഗ്രസ് നേതാവ് അഷ്‌ക്കര്‍ എന്നിവര്‍ക്കാണ് ഹൈക്കോടതിയില്‍ നിന്നും ജാമ്യം ലഭിച്ചത്. ഇവരെ ജയിലില്‍ അടച്ചശേഷം പിന്നീട് പൊലിസ് പിടികൂടി റിമാന്‍ഡ് ചെയ്ത ശ്യാംപൗലോസിന് ശാസ്താംകോട്ട മുന്‍സിഫ് മജിസ്‌ട്രേറ്റ് കോടതിയും ജാമ്യം അനുവദിച്ചു.
ജയില്‍മോചിതരായ നേതാക്കള്‍ക്ക് യു.ഡി.എഫ് കുന്നത്തൂര്‍ നിയോജകമണ്ഡലം കമ്മിറ്റിയുടെ നേത്യത്വത്തില്‍ ഇന്നലെ വൈകിട്ട് ശാസ്താംകോട്ട ടൗണില്‍ സ്വീകരണം നല്‍കി. സ്വീകരണ സമ്മേളനം മുന്‍ ഡി.സി.സി പ്രസിഡന്റ് ഡോ.ജി പ്രതാപവര്‍മതമ്പാന്‍ ഉദ്ഘാടനംചെയ്തു. എം.വി ശശികുമാരന്‍നായര്‍ അധ്യക്ഷത വഹിച്ചു. കെ.കൃഷ്ണന്‍കുട്ടി നായര്‍, കാഞ്ഞിരവിള അജയകുമാര്‍, പി.കെ രവി, കല്ലടഗിരീഷ്, പി.നുറുദീന്‍കുട്ടി സംസാരിച്ചു.ജയില്‍മോചിതരായ കോണ്‍ഗ്രസ് നേതാക്കള്‍ക്ക് സ്വീകരണം നല്‍കി