ദോഹ: ബ്രസീലിലെ റിയോ ഡെ ജനീറോയില്‍ നടക്കുന്ന ജി20 രാജ്യങ്ങളുടെ ഉച്ചകോടിയില്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനി പങ്കെടുക്കും. ബ്രസീല്‍ പ്രസിഡന്റ് ലൂയിസ് ലുല ഡാ സില്‍വയുടെ ക്ഷണം സ്വീകരിച്ചാണ് അമീര്‍ ഉന്നതതല സംഘത്തിനൊപ്പം ഉച്ചകോടിയില്‍ പങ്കെടുക്കുന്നത്.

ഇന്ത്യയും സഊദി അറേബ്യയും ഉള്‍പ്പെടെ അംഗരാജ്യങ്ങളെ കൂടാതെ പ്രത്യേക അതിഥി രാജ്യങ്ങളായാണ് ഖത്തര്‍ പങ്കെടുക്കുന്നത്. 18ഓളം അതിഥി രാജ്യങ്ങള്‍ ഇത്തവണ ഉച്ചകോടിയുടെ ഭാഗമാവുന്നുണ്ട്. മന്ത്രിമാര്‍, ഉന്നത ഉദ്യോഗസ്ഥര്‍ ഉള്‍പ്പെടെ സംഘവും അമീറിനെ അനുഗമിക്കും.

ഉച്ചകോടിക്കു ശേഷം കോസ്റ്റാറിക്ക, കൊളംബിയ രാജ്യങ്ങളിലും അമീര്‍ സന്ദര്‍ശനം നടത്തും. രണ്ടു രാജ്യങ്ങളും ഖത്തറും തമ്മിലെ നയതന്ത്ര, വ്യാപാര സൗഹൃദങ്ങള്‍ ഉള്‍പ്പെടെയുള്ള വിഷയങ്ങള്‍ സന്ദര്‍ശനത്തില്‍ ചര്‍ച്ച ചെയ്യും. കോസ്റ്ററിക്കയിലെ സാന്‍ജോസില്‍ നടക്കുന്ന ശൈഖ് തമീം ബിന്‍ ഹമദ് ആല്‍ഥാനി അന്താരാഷ്ട്ര അഴിമതിവിരുദ്ധ പുരസ്‌കാര ചടങ്ങിലും അമീര്‍ പങ്കെടുക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Qatar's Emir, Sheikh Tamim bin Hamad Al Thani, will attend the G20 Summit in Rio de Janeiro, Brazil, focusing on social inclusion, energy transition, and global governance reforms.