മങ്കട: രാമപുരം ജെംസ് ആര്‍ട്‌സ് ആന്‍ഡ് സയന്‍സ് കോളജ് പാഠ്യാനുബന്ധ പദ്ധതികളായ മെന്റല്‍ - മെന്റി  സമ്പ്രദായത്തിന്റയും സര്‍ട്ടിഫിക്കറ്റ് കോഴ്‌സ് ഇന്‍ കമ്യൂണിക്കേഷന്റെയും  ഔദ്യോഗിക ഉദ്ഘാടനം കോളജ് ചെയര്‍മാന്‍ മഞ്ഞളാംകുഴി അലി എംഎല്‍എ നിര്‍വഹിച്ചു.
കാലിക്കറ്റ് സര്‍വകലാശാലക്ക് കീഴിലുള്ള കോളജുകളില്‍ മെന്റല്‍ മെന്റീ സമ്പ്രദായം ആവിഷ്‌കരിച്ച് നടപ്പാക്കുന്ന ആദ്യ കോളജാണ് ജെംസ്. കഴിഞ്ഞ വര്‍ഷം മികച്ച വിജയം നേടിയ 13 ഡിപ്പാര്‍ട്ട്‌മെന്റിലെയും കുട്ടികള്‍ക്ക് അംജദ് അലി എന്‍ഡോവ്‌മെന്റ് ക്യാഷ് അവാര്‍ഡും പ്രശസ്തി പത്രവും പാണക്കാട് മുനവ്വറലി ശിഹാബ് തങ്ങള്‍ വിതരണം ചെയ്തു. പ്രൊഫ. ഡോ. ശിവരാജന്‍, വാസുദേവന്‍ മാസ്റ്റര്‍, ടി.കെ ഹംസ, നവീന്‍ മോഹന്‍ തുടങ്ങിയവര്‍ സംസാരിച്ചു.