നിലമ്പൂര്‍: നിലമ്പൂര്‍ നോര്‍ത്ത്, സൗത്ത് വനമേഖലകളില്‍ കടുവ സര്‍വേ ഇന്നാരംഭിക്കും. പെരിയാര്‍ ടൈഗര്‍ ഫൗണ്ടേഷനിലെ ഡോ.ബാലസുബ്രമണ്യത്തിന്റെ നേതൃത്വത്തില്‍ വനപാലകര്‍ക്ക് ഇന്നലെ പരിശീലനം നല്‍കി. നിരീക്ഷണ കാമറകളോട് കൂടിയാണ് സര്‍വേ നടത്തുന്നത്.
രണ്ടു ഡിവിഷനുകളിലും ബ്ലോക്ക് തിരിച്ചാണ് സര്‍വേ നടത്തുക. നോരത്തില്‍ 29, സൗത്തില്‍ 31 ബ്ലോക്കുകളാണ് സര്‍വേക്കായി തിരിച്ചിട്ടുള്ളത്. നോര്‍ത്ത് ഡിവിഷനിലെ വനങ്ങളില്‍ ഇന്നുമുതല്‍ മുതല്‍ 27 വരെയും സൗത്ത് ഡിവിഷനു കീഴിലെ വനങ്ങളില്‍ മെയ് എട്ട് മുതല്‍ 15 വരെയും സര്‍വേ നടക്കും. സൗത്ത് ഡിവിഷനിലും സര്‍വേ നടക്കും. മൂന്ന് ഘട്ടങ്ങളിലായി സര്‍വേ പൂര്‍ത്തീകരിക്കും.
കരുളായി വനത്തില്‍ കടുവകളുടെ സാന്നിധ്യം മുന്‍പ് സ്ഥിരീകരിച്ചിട്ടുണ്ട്. അതേസമയം മാവോയിസ്റ്റ് ഭീഷണിയുള്ള വനമേഖലയായതിനാല്‍ സര്‍വേ എത്രത്തോളം വിജയകരമാവുമെന്ന ആശങ്കയും വനപാലകര്‍ക്കുണ്ട്. കഴിഞ്ഞ വര്‍ഷം മാവോയിസ്റ്റ് ഭീഷണി മൂലം നിലമ്പൂര്‍ വനത്തില്‍ സര്‍വേ നടത്തിയിട്ടില്ല.