പയ്യന്നൂര്‍: കണ്ണൂര്‍, കാസര്‍കോട് ജില്ലകളില്‍ നിന്ന് ഹജ്ജ് കര്‍മത്തിനു പോകുന്ന ഹജ്ജാജിമാര്‍ക്ക് മാര്‍ഗ നിര്‍ദേശം നല്‍കി ഹജ്ജ് ക്യാംപ്. പെരുമ്പ മുസ്‌ലിം ജമാഅത്ത് റിലീഫ് കമ്മറ്റിയുടെ നേതൃത്വത്തിലാണ് ക്യാംപ് സംഘടിപ്പിച്ചത്. പെരുമ്പ ലത്വീഫിയ മദ്‌റസ പരിസരത്ത് പ്രത്യേകം തയ്യാറാക്കിയ വേദിയില്‍ നടന്ന ക്യാംപില്‍ കേന്ദ്ര ഹജ്ജ് കമ്മിറ്റി മുന്‍ അംഗം അബ്ദുല്‍ സമദ് പൂക്കോട്ടൂര്‍, ചുഴലി മുഹയ്ദീന്‍ മൗലവി, സി.ടി അഹമ്മദ് കബീര്‍ എന്നിവര്‍ ക്ലാസെടുത്തു. എല്‍.സി.ഡി പ്രൊജക്ടര്‍ ഉള്‍പ്പെടെ ഉപയോഗപ്പെടുത്തിയാണ് ക്ലാസ് നടന്നത്.  പരിപാടിയില്‍  ജമാഅത്ത് കമ്മറ്റി പ്രസിഡന്റ് എസ്.കെ ഹംസ ഹാജി അധ്യക്ഷനായി. ഒ.എ അബ്ദുള്‍ റഹ്മാന്‍, സി.വി ജാബിര്‍, സി.വി ജലീല്‍, എം അസൈനാര്‍, കാട്ടൂര്‍ ഹംസ, വി.കെ.പി ഇസ്മയില്‍ എന്നിവര്‍ സംസാരിച്ചു. സ്വാഗത സംഘം ജനറല്‍ കണ്‍വീനര്‍ കെ.ടി സഹദുള്ള സ്വാഗതം പറഞ്ഞു. വൈകുന്നേരത്തോടെ പാണക്കാട് ഹമീദലി ശിഹാബ് തങ്ങളുടെ കൂട്ടുപ്രാര്‍ത്ഥനയോടെ സമാപിച്ചു.