തെരെഞ്ഞടുപ്പില്‍ പരാജയപ്പെട്ടതിന്റെ കാരണം പഠിക്കുന്നതിനു പകരം വോട്ടുചെയ്തവരെ വര്‍ഗീയവാദികളായി ചിത്രീകരിക്കാനുള്ള ശ്രമം അപലപനീയമാണെന്നു മുസ്‌ലിംലീഗ് ജില്ലാ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍. എന്നും മതേതര ചേരിക്കൊപ്പംനിന്ന ചരിത്രമാണ് ജില്ലയ്ക്കുള്ളത്.
എന്നാല്‍, സംഘ്പരിവാറിനെപ്പോലെ വര്‍ഗീയത ഇളക്കിവിടാനാണ് സി.പി.എം ശ്രമം.
സംഘ്പരിവാറിന്റെ നയംതന്നെയാണ് തങ്ങളുടേതുമെന്നു വിളിച്ചുപറയുകയാണ് സി.പി.എം ചെയ്യുന്നതെന്നും തങ്ങള്‍ പറഞ്ഞു.