മറയൂര്‍: ദേവികുളം മണ്ഡലത്തിലെ ആദിവാസിമേഖലകളില്‍ യു.ഡി.എഫ് സ്ഥാനാര്‍ഥി ഡീന്‍ കുര്യാക്കോസിന് ആവേശകരമായ സ്വീകരണമാണ് ലഭിച്ചത്.
രാവിലെ അടിമാലിയില്‍ പര്യടനം ഉച്ചകഴിഞ്ഞ് വൈകുന്നേരമാണ് അഞ്ചുനാട് മേഖലകളിലെ കുടികളില്‍ എത്തിയത്. രാത്രി വൈകിയും ആരതിയുഴിഞ്ഞും പുഷ്പവൃഷ്ടി നടത്തിയും തിലകക്കുറി അണിയിച്ചും അഞ്ചുനാടിന്റെ മക്കള്‍ സ്ഥാനാര്‍ഥിയെ സ്വീകരിച്ചു. രാത്രി വളരെ വൈകി വേളയിലും ആവേശപൂര്‍വമാണ് ആളുകള്‍ ഡീന്‍ കുര്യാക്കോസിനായി കാത്തിരുന്നത് .
എല്ലാ യോഗങ്ങളിലും വളരെ വലിയ ജനസഞ്ചയമാണ് കാണുവാന്‍ കഴിഞ്ഞത്. ഡീന്‍ കുര്യാക്കോസ് ഇന്ന് ഇടുക്കി നിയോജക മണ്ഡലത്തില്‍ പര്യടനം നടത്തും. ആരാധനാലയങ്ങളിലും പ്രധാന സ്ഥാപനങ്ങളിലും സ്ഥാനാര്‍ഥി സന്ദര്‍ശനം നടത്തും.