നെടുങ്കണ്ടം: കോളജ് വിദ്യാര്‍ഥിനിയെ വീട്ടില്‍ കയറി കടന്നുപിടിച്ച സഹപാഠിയടക്കം നാലുപേരെ ഉടുമ്പന്‍ചോല പൊലിസ് അറസ്റ്റ് ചെയ്തു. മാവടി വാല്‍പ്പാറ എസ്‌റ്റേറ്റ് പരിസരത്ത് വെച്ചാണ് ഇന്നലെ വൈകിട്ട് നാല് മണിയോടെ പ്രതികളെ പിടികൂടിയത്.
പാറത്തോട് പ്ലാശ്ശേരിയില്‍ ജിഷ്ണു (20), മാവടി കൂനാനിക്കല്‍ അനന്ദു (19), മാവടി വേലന്‍പറമ്പില്‍ അജിന്‍ (19), പ്രായപൂര്‍ത്തിയാകാത്ത കൗമാരകാരന്‍ അടക്കം നാലുപേരെയാണ് പൊലിസ് പിടികൂടിയത്.
പ്രണയാഭ്യര്‍ത്ഥന നിരസിച്ചതിനെ തുടര്‍ന്നുള്ള ദേഷ്യത്തില്‍ സഹപാഠിയായ യുവാവും കൂട്ടരും വ്യാഴാഴ്ച ഉച്ചകഴിഞ്ഞ് മൂന്ന് മണിയോടെ പെണ്‍കുട്ടിയുടെ വീട് ചവുട്ടി തുറന്ന് പ്രവേശിക്കുകയും പെണ്‍കുട്ടിയെ കടന്ന് പിടിക്കുകയുമായിരുന്നു. പെണ്‍കുട്ടി നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികളെ പിടികൂടിയത്.