കാഞ്ഞങ്ങാട്: ബി.ജെ.പിയെപോലെ മനുഷ്യനെ വഞ്ചിച്ച പാര്‍ട്ടി ലോകത്തിലില്ലെന്ന് സി.പി.ഐ ദേശീയ കണ്‍ട്രോള്‍ കമ്മിഷന്‍ അംഗം പന്ന്യന്‍ രവീന്ദ്രന്‍. ബങ്കളത്ത് നടത്തിയ കീലത്ത് കേളു അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. മോദി അധ്വാനിച്ചത് അദാനിക്കും അംബാനിക്കും വേണ്ടിയാണെന്നും പന്ന്യന്‍ രവീന്ദ്രന്‍ ആരോപിച്ചു. സി.പി.ഐ ജില്ലാ അസി.സെക്രട്ടറി വി. രാജന്‍ അനുസ്മരണ പ്രഭാഷണം നടത്തി. സംസ്ഥാന കൗണ്‍സില്‍ അംഗം ബങ്കളം പി. കുഞ്ഞികൃഷ്ണന്‍, മുന്‍ എം.എല്‍.എ എം. നാരായണന്‍, കെ. ശാര്‍ങാധരന്‍,വി. കണ്ണന്‍ മാസ്റ്റര്‍ സംസാരിച്ചു. സി.പി.ഐ മണ്ഡലം സെക്രട്ടറി സി.കെ ബാബുരാജ് അധ്യക്ഷനായി.