ജിദ്ദ: പാസ്‌പോര്‍ട്ട് അപേക്ഷകളിന്മേലുള്ള നടപടികള്‍ വേഗത്തിലാക്കാന്‍ കൃത്യതയാര്‍ന്ന് വിവരങ്ങള്‍ നല്‍കണമെന്ന് ജിദ്ദ ഇന്ത്യന്‍ കോണ്‍സുലേറ്റ്. അപേക്ഷകര്‍ ഇന്ത്യയിലെ പൂര്‍ണ മേല്‍വിലാസവും സമീപത്തെ പൊലിസ്‌ സ്‌റ്റേഷന്റെ പേരും ഇന്ത്യയിലെ മൊബൈല്‍ നമ്പറും നല്‍കണം.

ഏറ്റവും പുതിയ മാര്‍ഗനിര്‍ദേശങ്ങളനുസരിച്ച് പാസ്‌പോര്‍ട്ടുകള്‍ ഇഷ്യു ചെയ്യുന്നതിനും പുതുക്കുന്നതിനും ഓരോ തവണയും പോലീസ് വെരിഫിക്കേഷന്‍ നിര്‍ബന്ധമാണ്. വിലാസവും ഫോണ്‍ നമ്പറും കൃത്യമല്ലെങ്കില്‍ ഇതിന് ദീര്‍ഘകാലം വേണ്ടവന്നേക്കാം. ഇന്ത്യയില്‍ പൊലിസ്‌ അധികൃതര്‍ക്ക് വെരിഫിക്കേഷന്‍ വേഗത്തിലാക്കാന്‍ പൂര്‍ണ വിലാസവും നമ്പറും അനിവാര്യമാണ്.

ഇക്കാര്യം കണക്കിലെടുത്ത് യാത്ര തടസ്സപ്പെടാതിരിക്കാന്‍ മുന്‍കൂട്ടി തന്നെ അപേക്ഷ നല്‍കാന്‍ ശ്രദ്ധിക്കണമെന്ന് പുതിയ മാര്‍ഗരേഖയില്‍ പറയുന്നു. അത്യാവശ്യമുണ്ടെങ്കില്‍ തത്കാല്‍ വഴി അപേക്ഷിക്കണമെന്നും കോണ്‍സുലേറ്റ് അറിയിപ്പില്‍ വ്യക്തമാക്കി.