ആലുവ: അഗതി രഹിത കേരളം പദ്ധതിയുടെ ഭാഗമായി നഗരസഭ കുടുംബശ്രീയുടെ നേതൃത്വത്തില്‍ ആശ്രയ ഗുണഭോക്താക്കള്‍ക്ക് മെഡിക്കല്‍ ക്യാംപ് സംഘടിപ്പിച്ചു. നഗരസഭ ചെയര്‍പേഴ്‌സണ്‍ ലിസി എബ്രഹാം ഉദ്ഘാടനം ചെയ്തു. വൈസ് ചെയര്‍പേഴ്‌സണ്‍ സി. ഓമന അധ്യക്ഷത വഹിച്ചു.
സ്ഥിരം സമിതി അധ്യക്ഷരായ ലോലിത ശിവദാസന്‍, ജെറോം മൈക്കിള്‍, കൗണ്‍സിലര്‍മാരായ എം.ടി ജേക്കബ്, ലളിത ഗണേശന്‍, മിനി ബൈജു, സി.ഡി.എസ് അംഗങ്ങളായ ധനു ഷാജി, മേഴ്‌സി മാര്‍ട്ടിന്‍, മെമ്പര്‍ സെക്രട്ടറി അഖില്‍ ജിഷ്ണു എന്നിവര്‍ സംസാരിച്ചു. ആലുവ ജില്ല ആശുപത്രിയിലെ ഡോ. അനൂപ് ക്യാംപിനു നേതൃത്വം നല്‍കി.