മാവൂര്‍: റോഡരികിലെ കുറ്റിച്ചെടികള്‍ക്കിടയില്‍  ഒളിപ്പിച്ച മദ്യക്കുപ്പികള്‍ പൊലിസ് കണ്ടെടുത്തു. മാവൂര്‍ മണന്തലക്കടവ് റോഡില്‍ എസ്. ടി. യു ഓഫിസിന് എതിര്‍ വശത്തായി ഒളിപ്പിച്ചു വച്ച കുപ്പികളാണ് മാവൂര്‍ പൊലിസ് കണ്ടെടുത്തത്. രഹസ്യവിവരത്തെ തുടര്‍ന്നാണ് നടപടി.
മണന്തലക്കടവ് റോഡില്‍ വ്യാപകമാവുന്ന ലഹരി വില്‍പ്പനക്കെതിരേ  ഫെയ്മസ് ക്ലബും  നാട്ടുകാരും ജാഗ്രത പുലര്‍ത്തി വരികയാണ്. ഇതേ തുടര്‍ന്ന് നടത്തിയ നിരീക്ഷണത്തിന്റെ അടിസ്ഥാനത്തിലാണ് മദ്യം ഒളിപ്പിക്കുന്ന സ്ഥലം കണ്ടെത്താനായത്.  
ഉച്ച തിരിഞ്ഞ് ആളുകള്‍ കുറയുന്ന സമയം നോക്കി  അങ്ങാടിക്ക് സമീപത്തെ പൊന്തകളിലും ചവര്‍ കൂനക്കിടയിലും മദ്യക്കുപ്പികള്‍ ഒളിപ്പിച്ചു വെക്കുകയാണ് പതിവ്. സന്ധ്യയാവുന്നതോടെ ആവശ്യക്കാര്‍ പ്രസ്തുത സ്ഥലങ്ങളില്‍ ചെന്ന് മദ്യക്കുപ്പികള്‍ എടുക്കുകയുമാണ് ചെയ്യുക.