മുക്കം: വിഭാഗീയത രൂക്ഷമായ വ്യാപാരി വ്യവസായി ഏകോപന സമിതി മുക്കം യൂനിറ്റ് തിരഞ്ഞെടുപ്പ് 24ന് നടക്കും. തിരഞ്ഞെടുപ്പ് ഒഴിവാക്കാനായി ജില്ലാ നേതൃത്വം കിണഞ്ഞു പരിശ്രമിച്ചെങ്കിലും ഇരുവിഭാഗവും സ്ഥാനാര്‍ഥിയുമായി രംഗ പ്രവേശനം ചെയ്തതോടെ തിരഞ്ഞെടുപ്പിന് കളമൊരുങ്ങുകയായിരുന്നു.
 കഴിഞ്ഞ രണ്ടുവര്‍ഷത്തെ ഭരണ നേട്ടങ്ങള്‍ ഉയര്‍ത്തി കാട്ടിയാണ് നിലവിലെ പ്രസിഡന്റും സ്ഥാനാര്‍ഥിയുമായ കെ.സി നൗഷാദ് വോട്ടര്‍മാരെ സമീപിക്കുന്നത്. മുന്‍കാല നേതാക്കളെ മുഴുവന്‍ മാറ്റി നിര്‍ത്തി കൊണ്ട് കഴിഞ്ഞ ദിവസംമാമ്പറ്റയിലെ ഷാന്‍ഗ്രില്ലയില്‍ കുടുംബ സംഗമം നടത്തിയതില്‍ പ്രതിഷേധിച്ചാണ് താന്‍ സ്ഥാനാര്‍ഥിത്വം പ്രഖ്യാപിച്ചതെന്ന് എതിര്‍ സ്ഥാനാര്‍ഥി  പി.പി അബ്ദുല്‍ മജീദ് വ്യക്തമാക്കി.