കൊയിലാണ്ടി: സാമൂഹ്യദ്രോഹികള്‍ വീടിനു നേരെ അക്രമം നടത്തിയതായി പരാതി.
കൊല്ലം മന്ദമംഗലം ഭാഗത്തു കണിയാംകുളത്തില്‍  സി.കെ അബ്ദുസ്സമദിന്റെ വീട്ടിലെ ജനല്‍ ചില്ലുകളാണ് കഴിഞ്ഞ ദിവസം രാത്രി 12ഓടെ ബൈക്കിലെത്തിയ അജ്ഞാതസംഘം എറിഞ്ഞു തകര്‍ത്തത്. ഇതേസമയം തൊട്ടടുത്തുള്ള ഫയാസിന്റെ വീടിനു നേരെയും കല്ലേറുണ്ടായതായി പരാതിയുണ്ട്.
പൊലിസില്‍ വിവരമറിയിച്ചതിനെത്തുടര്‍ന്ന് കൊയിലാണ്ടി പൊലിസെത്തി പരിശോധന നടത്തി. അബ്ദുസ്സമദ് കേരള സ്റ്റേറ്റ് കുക്കിങ് വര്‍ക്കേഴ്‌സ് ഫെഡറേഷന്‍ കൊയിലാണ്ടി മണ്ഡലം സെക്രട്ടറിയാണ്.