കൊട്ടാരക്കര: എഴുകോണ്‍ സ്വദേശിനിയായ യുവതിയുടെ ബാഗില്‍ നിന്നു പണമടങ്ങിയ പഴ്‌സ് കവര്‍ന്ന തമിഴ്‌നാട് സ്വദേശിനിയെ കൊട്ടാരക്കര പൊലിസ് പിടികൂടി.
കോയമ്പത്തൂര്‍ റെയില്‍വേ സ്റ്റേഷന്‍ പുറമ്പോക്കില്‍ താമസിക്കുന്ന മണിയമ്മ (60)യാണു പിടിയിലായത്. ഇന്നലെ ഉച്ചയ്ക്ക് കൊട്ടാരക്കര റെയില്‍വേ സ്റ്റേഷന്‍ ബസ് സ്റ്റോപ്പില്‍ വച്ചാണു യുവതിയുടെ പഴ്‌സ് മോഷണം പോയത്.
പിടിയിലായ തമിഴ്‌നാട് ഇവരില്‍നിന്നു മോഷ്ടിച്ച പഴ്‌സും അതിലുണ്ടായിരുന്ന ആയിരം രൂപയും തിരിച്ചറിയല്‍ കാര്‍ഡുകളും പൊലിസ് കണ്ടെടുത്തു. പിടിയിലായ സ്ത്രീ സമാനമായ മോഷണം നടത്തിയിട്ടുണ്ടോ എന്നു പൊലിസ് അന്വേഷിച്ചു വരുകയാണ്.
പ്രതിയെ കോടതിയില്‍ ഹാജരാക്കി. കൊട്ടാരക്കര സി.ഐ ബി. ഗോപകുമാര്‍, എസ്.ഐ സി.കെ മനോജ് എന്നിവരുടെ നേതൃത്വത്തിലാണു പ്രതിയെ പിടികൂടിയത്.