അരീക്കോട്: ഊര്‍ങ്ങാട്ടിരി പാക്കുളം ഭാഗത്തെ വിദ്യാര്‍ഥി കൂട്ടായ്മ കൊടുംവേനലില്‍ കിണര്‍ ശുചീകരണം ഏറ്റെടുത്ത് നാടിന് മാതൃകയായി. പ്ലസ്ടു മുതല്‍ ഡിഗ്രി പരീക്ഷാ ഫലം വരെ കാത്തിരിക്കുന്ന വിദ്യാര്‍ഥികളാണ് കുടിവെള്ളം രൂക്ഷമായ ഭാഗങ്ങളിലെ കിണറുകള്‍ ശുചികരിച്ച് കുടിവെള്ളത്തിന് പരിഹാരമുണ്ടïാക്കി കൊടുക്കുന്നത്.
കിണറില്‍ നിന്ന് ചെളിനീക്കം ചെയ്യലും കിണര്‍ താഴത്തലുമൊക്കെ ചെയ്യുന്ന ഈ സംഘത്തിന് വീട്ടുകാര്‍ ഭക്ഷണമൊരുക്കി കൊടുക്കുകയാണ് ചെയ്യുന്നത്.
പി. അശ്വിന്‍, വി.സി ഷാരോണ്‍, പി. അഖില്‍, ഇ. ഷിജിത്ത്, പി. വിഷ്ണു, ശ്യാം, ഇ. കിഷോര്‍, ടി. ഷാനിഫ് തുടങ്ങിയവരാണ് സംഘത്തിലുള്ളത്.
അടുത്ത ഗ്രാമങ്ങളിലും സഹപാഠികളെ ഉള്‍പ്പെടുത്തി സേവനത്തിന് വിദ്യാര്‍ഥി കൂട്ടായ്മ രൂപീകരിക്കാനുള്ള ശ്രമത്തിലാണിവര്‍.