മഞ്ചേരി: നെല്ലിക്കുത്ത് യൂനിറ്റ് എസ്.വൈ.എസ്, എസ്.കെ.എസ്.എസ്.എഫ് ആഭിമുഖ്യത്തില്‍ മതപ്രഭാഷണവും മജ്‌ലിസുന്നൂര്‍ വാര്‍ഷികവും ഇന്നും നാളെയും നെല്ലിക്കുത്ത് അങ്ങാടിയില്‍ നടക്കും. ഇന്നു വൈകിട്ട് മൂന്നിനു നടക്കുന്ന മതപ്രഭാഷണ പരിപാടിയില്‍ സിംസാറുല്‍ ഹഖ് ഹുദവി (അബൂദബി) മുഖ്യപ്രഭാഷണം നടത്തും. എസ്.വൈ.എസ് മണ്ഡലം പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ നെല്ലിക്കുത്ത് ഉദ്ഘാടനം ചെയ്യും.
നാളെ വൈകിട്ട് ഏഴിനു നടക്കുന്ന മജ്‌ലിസുന്നൂര്‍ വാര്‍ഷിക സമ്മേളനം പാണക്കാട് സയ്യിദ് ശമീറലി ശിഹാബ് തങ്ങള്‍ ഉദ്ഘാടനം ചെയ്യും. ദുആ സമ്മേളനത്തിനു എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി നേതൃത്വം നല്‍കും.