പൊന്നാനി: ഏറെകാലത്തെ കാത്തിരിപ്പിനൊടുവില്‍ പുതുപൊന്നാനിയില്‍ ഫിഷ് ലാന്‍ഡിങ് സെന്റര്‍ വരുന്നു. പുതുപൊന്നാനിയില്‍ ഫിഷ് ലാന്‍ഡിങ് സെന്റര്‍ നിര്‍മിക്കണമെന്നത് ഏറെ നാളത്തെ ആവശ്യമായിരുന്നു. സ്പീക്കറുടെ ഫïില്‍ നിന്നും പണം അനുവദിച്ചതോടെ പദ്ധതി യാഥാര്‍ഥ്യമാവുമെന്ന പ്രതീക്ഷയിലാണിപ്പോള്‍ മന്ത്ര്യത്തൊഴിലാളികള്‍ .
പുതുപൊന്നാനി പാലത്തിന് സമീപത്തെ പുഴയോരത്താണ് ഫിഷ് ലാന്‍ഡിങ് സെന്റര്‍ സ്ഥാപിക്കാന്‍ തീരുമാനമായിട്ടുള്ളത്. നിലവില്‍ പൊന്നാനിയിലെ ചെറുവഞ്ചികളും ഫൈബര്‍ ബോട്ടുകളും കനോലി കനാലിനു തീരത്തായാണ് കെട്ടിയിടുന്നത്.
ഇത് പ്രദേശവാസികള്‍ക്ക് വലിയ പ്രയാസവും സൃഷ്ടിക്കുന്നുï്. പുതുപൊന്നാനിയില്‍ ഫിഷ് ലാന്‍ഡിങ് സെന്റര്‍ സ്ഥാപിക്കണമെന്നത് നാളുകളായുള്ള ആവശ്യമായിരുന്നു. സംസ്ഥാന സര്‍ക്കാറിന്റെ ബജറ്റില്‍ ഇതിനായി തുക അനുവദിക്കണമെന്ന ആവശ്യം ശക്തമായിരുന്നു. ബജറ്റില്‍ പണം അനുവദിക്കാതിരുന്നതിനാല്‍ എം.എല്‍.എ.ഫï് ഉപയോഗപ്പെടുത്തി പദ്ധതി യാഥാര്‍ഥ്യമാക്കാനാണ് നീക്കം.
ബോട്ടുകള്‍ അടുപ്പിക്കാനുള്ള സൗകര്യവും വല നെയ്യാനുള്ള സെന്ററും മത്സ്യ വിപണനത്തിനുള്ള സൗകര്യവും ഇവിടെയൊരുക്കും. പദ്ധതി യാഥാര്‍ഥ്യമായാല്‍ മന്ത്ര്യത്തൊഴിലാളികള്‍ക്ക് ഏറെ ഗുണപ്രദമാവും.