കൊളത്തൂര്‍: കരിപ്പൂര്‍ വിമാനത്താവളത്തിലേക്ക് പോകുകയായിരുന്ന കാര്‍ നിയന്ത്രണം വിട്ട് താഴ്ചയിലേക്ക് മറിഞ്ഞു.
കൊളത്തൂര്‍  മലപ്പുറം റോഡില്‍ പപ്പടപ്പടിക്കടുത്ത് ചോലവളവിലാണ് അപകടം. മൂര്‍ക്കനാട് സ്വദേശികള്‍ കരിപ്പൂര്‍വിമാനത്താവളത്തിലേക്ക് പോകുന്ന വഴി ഇന്നലെ പുലര്‍ച്ചെയോടെയാണ് അപകടത്തില്‍പെട്ടത്. അപകടകരവും നേരിയ കയറ്റവുമുള്ള ചോലവളവിനു സമീപം നിയന്ത്രണം വിട്ട കാര്‍ സമീപത്തെ മണ്‍തിട്ടയില്‍ ഇടിച്ച് തല കീഴായി മറിയുകയായിരുന്നു.
ഡ്രൈവറും രണ്ട് യാത്രക്കാരും ഒരു കുട്ടിയുമാണ് കാറിലുണ്ടായിരുന്നത്.ആര്‍ക്കും പരുക്കില്ല.