തിരുവനന്തപുരം: പുതിയ കാലത്തെ സാമൂഹിക വെല്ലുവിളികളെ യഥാസമയം ഉള്‍കൊണ്ട് മുന്നേറാനും സത്യശീലങ്ങള്‍ സമൂഹത്തില്‍ വളര്‍ത്തിക്കൊണ്ട് വരാനും വിദ്യാര്‍ഥികള്‍ മുന്നിട്ടിറങ്ങണമെന്ന് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ അഭിപ്രായപ്പെട്ടു. സമസ്ത കേരള സുന്നി ബാലവേദി സംസ്ഥാന കമ്മിറ്റി തിരുവനന്തപുരം ജില്ലയിലെ ബീമാപള്ളി റഫീഖുല്‍ ഇസ്‌ലാം മദ്‌റസയില്‍ സംഘടിപ്പിച്ച സത്യസമ്മേളനത്തിന്റെ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
എസ്.കെ.ജെ.എം.സി.സി സംസ്ഥാന വൈസ് പ്രസിഡന്റ് പുറങ്ങ് മൊയ്തീന്‍ മുസ്‌ലിയാര്‍ അധ്യക്ഷനായി. മുസ്തഫ മുണ്ടുപാറ പ്രമേയ പ്രഭാഷണം നിര്‍വഹിച്ചു. എസ്.കെ.ജെ.എം.സി.സി സംസ്ഥാന സെക്രട്ടറി ഹുസൈന്‍ കുട്ടി മുസ്‌ലിയാര്‍, സയ്യിദ് സിയാദ് കോയ തങ്ങള്‍, നൗഷാദ് ഹുദവി, എം. പീര്‍ മുഹമ്മദ് മുസ്‌ലിയാര്‍, ഷാനവാസ് മാസ്റ്റര്‍, ബീമാപള്ളി റഷീദ്, ഹാഫിള് റഹ്മാന്‍ വഴിമുക്ക്, നജ്മുദ്ദീന്‍ മന്നാനി, അഹമ്മദ് റഷാദി, അശ്‌റഫ് മുസ്‌ലിയാര്‍, ഇഖ്ബാല്‍, അല്‍ മഹീന്‍ ഹാജി, ടി. ബഷീര്‍, അബ്ദുറസാഖ് മന്നാനി, നാസിഫ് തൃശൂര്‍ സംസാരിച്ചു. റബീഉദ്ദീന്‍ വെന്നിയൂര്‍ സ്വാഗതവും മുഹമ്മദ് അസ്‌ലഹ് മുതുവല്ലൂര്‍ നന്ദിയും പറഞ്ഞു.