ചേരാപുരം: വലകെട്ട് ശാഖാമുസ്‌ലിം ലീഗ് ഓഫിസ് ഇന്ന് വൈകീട്ട് അഞ്ചിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
മുസ്‌ലിം ലീഗ് സംസ്ഥാന ട്രഷറര്‍ പി.കെ.കെ ബാവ, മുല്ലപ്പള്ളി രാമചന്ദ്രന്‍ എം.പി, പി.കെ ബഷീര്‍ എം.എല്‍.എ, പാറക്കല്‍ അബ്ദുല്ല എം.എല്‍.എ, പി അമ്മദ് മാസ്റ്റര്‍, നജീബ് കാന്തപുരം, നൗഷാദ് മണ്ണിശ്ശേരി, എന്നിവര്‍ പങ്കെടുക്കും. വൈകീട്ട് 4 ന് പ്രകടനവും രാത്രി 9 മണിക്ക് കലാനിശയും നടക്കും.  
പരിപാടിയുടെ ഭാഗമായി ഇന്നലെ നടന്ന വനിതാ സംഗമം സി.ടി  ആയിഷ ടീച്ചര്‍ ഉദ്്ഘാടനം ചെയ്തു.  ബ്ലോക്ക് മെമ്പര്‍ നഈമ കുളമുള്ളതില്‍, ഗ്രാമ പഞ്ചായത്ത് മെംബര്‍ കെ.പി സലീമ, നാഫ്ജ നവാഫ് എ, ടി.വി സൈനബ ടീച്ചര്‍, സാബിറ കെ.എം സംസാരിച്ചു.