ഏറ്റവും കൂടുതല്‍ പേര്‍ നിരീക്ഷണത്തില്‍ കഴിയുന്നത് മലപ്പുറം ജില്ലയിലാണ്. ഇന്നലെ ഏറ്റവും കൂടുതല്‍ പേര്‍ക്ക് രോഗം സ്ഥിരീകരിച്ചതും മലപ്പുറത്താണ്. 47 പേര്‍ക്കാണ് ഇന്നലെ മലപ്പുറത്ത് കൊവിഡ് സ്ഥിരീകരിച്ചത്. ഇവിടെ 26,987 പേര്‍ നിരീക്ഷണത്തിലുണ്ട്. കണ്ണൂര്‍ (19,928), തിരുവനന്തപുരം (19,242), തൃശൂര്‍ (17,857) എന്നീ ജില്ലകളാണ് തൊട്ടുപിന്നില്‍. കൊല്ലം (9,464), പത്തനംതിട്ട (5,421), ഇടുക്കി (4,331), കോട്ടയം (6,820), ആലപ്പുഴ (7,224), എറണാകുളം (13,574), പാലക്കാട് (10,330), കോഴിക്കോട് (17,363), വയനാട് (3,553), കാസര്‍കോട് (5,884) എന്നിങ്ങനെയാണ് നിരീക്ഷണത്തിലുള്ളവരുടെ ജില്ല തിരിച്ചുള്ള കണക്ക്.
കൂടുതല്‍ പേര്‍ ആശുപത്രിയില്‍ കഴിയുന്നതും മലപ്പുറത്താണ് (348). കണ്ണൂര്‍ (270), പാലക്കാട് (240), എറണാകുളം (217), കൊല്ലം (201), കോഴിക്കോട് (180), പത്തനംതിട്ട (184), തിരുവനന്തപുരം (178), ആലപ്പുഴ (178) എന്നിങ്ങനെയാണ് മറ്റു ജില്ലകളിലെ കണക്ക്.