എടവണ്ണപ്പാറ: സ്വര്‍ണ നാണയങ്ങള്‍ തട്ടിയെടുത്ത് മുങ്ങിയ യുവാവിനെ വാഴക്കാട് പൊലിസ് പിടികൂടി. തിക്കോടി പെരുമാള്‍പുരം വടക്കെപുരയില്‍ റാഹില്‍ (24) നെയാണ് ഇന്നലെ കോഴിക്കോടുവച്ച് പിടികൂടിയത്. കഴിഞ്ഞമാസം 25ന് കോഴിക്കോട്ടെ പ്രമുഖ വ്യാപാര സ്ഥാപനത്തിന്റെ പേരില്‍ സമ്മാനം നല്‍കാമെന്ന് തെറ്റിദ്ധരിപ്പിച്ച് മലബാര്‍ ഗോള്‍ഡില്‍നിന്ന് ആറ് സ്വര്‍ണ നാണയങ്ങള്‍ കടവ് റിസോര്‍ട്ടിലെത്തിക്കാന്‍ ഇയാള്‍ ആവശ്യപ്പെട്ടിരുന്നു. തുടര്‍ന്ന് സ്വര്‍ണ നാണയവുമായി റിസോര്‍ട്ടിലെത്തിയ മലബാര്‍ ഗോര്‍ഡ് ജീവനക്കാരെ വിദഗ്ധമായി കബളിപ്പിച്ച് ഇയാള്‍ മുങ്ങുകയായിരുന്നു.
എസ്.ഐ വിജയരാജന്‍, എ.എസ്.ഐ വിജയശങ്കര്‍, അയ്യപ്പന്‍, രതീഷ്, ജയപ്രകാശ്, കൃഷ്ണകുമാര്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്.