മാനന്തവാടി: സാമൂഹ്യ സേവനവുമായി ഒരു കൂട്ടം ഡ്രൈവര്‍മാര്‍. തിരുനെല്ലി പഞ്ചായത്തിലെ അപ്പപാറയിലെ ടാക്‌സി ഡ്രൈവര്‍മാരാണ് റോഡരികിലെ കാടുകള്‍ വെട്ടി തെളിച്ച് മാതൃകയാകുന്നത്.
തിരുനെല്ലി തോല്‍പെട്ടി റോഡിന്റെ ഇരുവശങ്ങളിലും കാട് വളര്‍ന്ന് ഭീഷണിയായ സാഹചര്യത്തിലാണ് സേവന രംഗത്തേക്ക് ഡ്രൈവര്‍മാര്‍ ഇറങ്ങിയത്. കാട്ടനകള്‍ റോഡരികില്‍ നിന്നാല്‍ കാണാത്ത തരത്തിലാണ് കാടുകള്‍ മൂടിയത്. വാഹനങ്ങള്‍ക്കും യാത്രക്കാര്‍ക്കും ഒരേ പോലെ ഭീഷണി നേരിടുംവിധം തോല്‍പെട്ടി മാനന്തവാടി റോഡും ഇരുവശങ്ങളും കാട് മുടിയനിലയിലാണ്.
കാടുകള്‍ വെട്ടി തെളിക്കാന്‍ അധികൃതരുടെ ഭാഗത്ത് നിന്നും നടപടി ഉണ്ടാകണമെന്നാണ് ഇവരുടെ ആവശ്യം. എതിര്‍വാഹനങ്ങളോ വന്യ ജീവികളോ നിന്നാല്‍ പോലും കാണാത്തത് വാഹനങ്ങള്‍ക്ക് ബുധിമുട്ടുണ്ടാക്കുകയാണ്.