വെള്ളാങ്ങല്ലൂര്‍: നടവരമ്പ് ഗവണ്‍മെന്റ് മോഡല്‍ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥികള്‍ അങ്കണവാടി കുട്ടികള്‍ക്ക് തണലേകുന്നു. വിവിധ ഗ്രൂപ്പുകളായി കടലായി, കുന്നുമ്മക്കാട്, പൈങ്ങോട്, നാരായണമംഗലം എന്നിവിടങ്ങളിലെ അങ്കണവാടികള്‍ സന്ദര്‍ശിച്ചു കുരുന്നുകള്‍ക്ക് വേനല്‍ ചൂടില്‍ കുളിര്‍മയേകാന്‍ തണ്ണിമത്തന്‍ ജ്യൂസ്, ഓറഞ്ച്, മുന്തിരി, പഴം തുടങ്ങിയ പഴവര്‍ഗങ്ങളും നല്‍കി.  വേളൂക്കര ഗ്രാമപഞ്ചായത്ത് അംഗം ആമിന അബ്ദുല്‍ കാദര്‍, കടലായി സമത അങ്കണവാടി സംരക്ഷക കമ്മിറ്റി അംഗം അരവിന്ദാക്ഷന്‍ സംസാരിച്ചു. എന്‍.എസ്.എസ് പ്രോഗ്രാം ഓഫിസര്‍ സ്മിത, വിദ്യാര്‍ഥികളായ അല്‍ഫിയ കരീം, നീലാഞ്ജന, അഖില, അഫ്‌നാന്‍, അംതാന്‍,മേഘ, കാവ്യ, ഹന്നത്, ആതിര, അഭിരാമി, നന്ദിത എന്നിവര്‍ നേതൃത്വം നല്‍കി.