പുതുനഗരം: മുതലമട കുണ്ടിലകുളമ്പ് ആദിവാസി കോളനിയിലേക്ക് റോഡ് നിര്‍മിക്കണമെന്ന ആവശ്യമാണ് സ്ഥാനാര്‍ഥികളോട് കോളനിവാസികള്‍ക്ക് ആവശ്യപ്പെടാനുള്ളത്. നിലവില്‍ രണ്ടര കിലോമീറററിലധികം കറങ്ങിയാണ് ചുള്ളിയാര്‍ ഡാമിലൂടെ പ്രധാന റോഡിലെത്തേണ്ടത്. സ്വകാര്യ വ്യക്തിയുടെ പറമ്പിലൂടെ റോഡ് അനുവദിക്കുവാന്‍ സര്‍ക്കാര്‍ ഭൂമി ഏറ്റെടുത്ത് റോഡ് നിര്‍മിക്കണമെന്ന് രണ്ടു വര്‍ഷങ്ങള്‍ക്കു മുന്‍പ് ജില്ലാ കലക്ടര്‍ കോളനിയില്‍ നടത്തിയ അദാലത്തില്‍ കോളനിവാസികള്‍ ആവശ്യപെട്ടിട്ടും റോഡിനായി സ്ഥലം ഏറ്റെടുക്കുവാന്‍ സര്‍ക്കാര്‍ തയ്യാറാവാത്തതിനാല്‍ വരമ്പിലൂടെയാണ് കോളനിവാസികള്‍ നടക്കുന്നതെന്ന് കുണ്ടിലകുളമ്പ് കോളനിവാസികള്‍ പറയുന്നു.
നൂറിലധികം കുടുംബങ്ങള്‍ വസിക്കുന്ന കോളനിയിലേക്ക് റോഡ് ഗതാഗതയോഗ്യമായ റോഡ് നിര്‍മിക്കുവാന്‍ അധികൃതര്‍ മുന്‍കൈയ്യെടുക്കണമെന്നാണ് കോളനിവാസികളുടെ ആവശ്യം.