കാസര്‍കോട്: എല്‍.ഡി.എഫ് സ്ഥാനാര്‍ഥി കെ.പി സതീഷ് ചന്ദ്രന്‍ ഇന്നലെ മഞ്ചേശ്വരം മണ്ഡലത്തിലെ വിവിധ ഭാഗങ്ങളില്‍ പര്യടനം നടത്തി. വിവിധ സ്വീകരണ കേന്ദ്രങ്ങളില്‍ സി.എച്ച് കുഞ്ഞമ്പു, ഡോ. വി.പി.പി മുസ്തഫ, കെ.ആര്‍ ജയാനന്ദ, ബി.വിരാജന്‍, പി. രഘുദേവന്‍, എം. ശങ്കര്‍റൈ, അബ്ദുറസാഖ് ചിപ്പാര്‍, സി.എ സുബൈര്‍, ബേബി ഷെട്ടി, സജിതറൈ, എം.സി അജിത്ത്, രാമകൃഷ്ണ കടമ്പാര്‍, ജയറാം ബെള്ളംകൂടല്‍ തുടങ്ങിയവര്‍ സംസാരിച്ചു.
എന്‍.ഡി.എ സ്ഥാനാര്‍ഥി രവീശ തന്ത്രി ഇന്നലെ പയ്യന്നൂര്‍ മണ്ഡലത്തിലെ വിവിധ ഭാഗങ്ങളില്‍ പര്യടനം നടത്തി. രാമന്തളി, അന്നൂര്‍, കരിവെള്ളൂര്‍ , വെള്ളൂര്‍, എച്ചിലാം വയല്‍, പയ്യന്നൂര്‍ ഭാഗങ്ങളിലാണ് ഇന്നലെ മുഖ്യമായും പ്രചാരണം നടത്തിയത്. തുടര്‍ന്ന് പയ്യന്നൂര്‍ പെരുമാള്‍ സുബ്രഹ്മമണ്യ സ്വാമി ക്ഷേത്ര ത്തില്‍ ദര്‍ശനം നടത്തി.
വൈകുന്നേരം പയ്യന്നൂര്‍ നഗരത്തില്‍ റോഡ് ഷോയും നടന്നു.