തലശ്ശേരി: മലബാര്‍ കാന്‍സര്‍സെന്ററില്‍ കിഫ്ബി നടപ്പാക്കുന്ന നിര്‍മാണ പ്രവര്‍ത്തനങ്ങള്‍ക്കായുള്ള പാരിസ്ഥിതിക അനുമതി ലഭിച്ചു.
സംസ്ഥാന പരിസ്ഥിതി ആഘാത നിര്‍ണയ അതോറിറ്റിയുടെ യോഗത്തിലാണ് മലബാര്‍ കാന്‍സര്‍ സെന്ററിന് അനുമതി ലഭിച്ചത്. ഇക്കഴിഞ്ഞ സംസ്ഥാന ബജറ്റില്‍ കിഫ്ബി വഴി കാന്‍സര്‍ സെന്ററിന് ഫണ്ട് വകയിരുത്തിയിരുന്നു. അനുമതി ലഭിച്ച സാഹചര്യത്തില്‍ മലബാര്‍ കാന്‍സര്‍ സെന്ററിന്റെ വികസനം കൂടുതല്‍ ത്വരിതഗതിയില്‍ നടക്കുമെന്ന് അധികൃതര്‍ അറിയിച്ചു.