എലപ്പുള്ളി: നെല്ലറയില്‍ കായിക സ്വപ്നങ്ങളില്‍ നിന്നും പ്രതീക്ഷകളുടെ ചിറകിലേറി കടല്‍കടന്നൊരുവെന്നിക്കൊടി പാറുക്കുകയാണ്. വിഷ്ണു പ്രിയയെന്ന യുവ അത്‌ലറ്റിക്‌സുകാരി. ജീവിത വൈതരണികളിലെ പ്രതിസന്ധികള്‍ക്കിടയിലും കായിക ലോകത്തെ മോഹങ്ങളുടെ ട്രാക്കുകള്‍ താണ്ടി വിഷ്ണുപ്രിയ അര്‍ജന്റീനയിലെ ബ്യൂണസ് അയഴ്‌സില്‍ കേരളത്തെ പ്രതിനിധാനം ചെയ്യുമ്പോള്‍ നഗരത്തിലെ പെണ്‍പള്ളിക്കൂടമായ മോയന്‍ ഗേള്‍സ് ഹയര്‍ സെക്കന്‍ഡറി സ്‌കൂളിനു എലപ്പുള്ളിക്കാര്‍ക്കും ഇത് അഭിമാന മുഹൂര്‍ത്തം.
ഒക്‌ടോബര്‍ 6 മുതല്‍ 18 വരെ അര്‍ജന്റീനയിലെ ബ്യൂണസ് അയഴ്‌സില്‍ നടക്കുന്ന യൂത്ത് ഒളിമ്പിംക്‌സില്‍ 400 മീറ്റര്‍ ഹഡില്‍സിലാണ് ജെ. വിഷ്ണു പ്രിയ ഇന്ത്യയെ പ്രതിനിധാനം ചെയ്യുന്നത്. ഇതിനു മുന്നെയ്യി ബാങ്കോക്കില്‍ നടന്ന ഒളിമ്പിംക്‌സ് ട്രയല്‍സില്‍ വെള്ളി നേടിയാണ് മോയന്‍ ഗേള്‍സ് ഹയര്‍ സെക്കണ്ടറി സ്‌കൂളിലെ പ്ലസ് ടു വിദ്യാര്‍ഥിനിയായ വിഷ്ണു പ്രിയ യോഗ്യത തെളിയിച്ചമപ്പോള്‍ യൂത്ത് ഒളിംപിക്‌സ് നേടുന്ന പ്രഥമ മലയാളിപ്പെണ്‍കുട്ടിയെന്ന് പദവിയും ഇനി കേരളത്തിനും വിഷ്ണു പ്രിയക്കും സ്വന്തം.
ആണ്‍കുട്ടികളുടെ വിഭാഗത്തില്‍ നേരത്തെ 110 മീറ്റര്‍ ഹഡില്‍സില്‍ കേരളത്തില്‍ നിന്ന് മെയ്‌മോന്‍ പൗലോസ് യോഗ്യത നേടിയിരുന്നെങ്കിലും 1.00.95 എന്ന മികച്ച സമയത്തില്‍ ഓടിയെത്തിയാണ് വിഷ്ണു പ്രിയ ജേതാവായത്. എലപ്പുള്ളി മുതിരംപള്ളത്ത് വെല്‍ഡിംഗ് തൊഴിലാളിയായ എം. ജയപ്രകാശിന്റെയും ഗിരിജയുടെയും മകളായ ഗിരിജ കോയമ്പത്തൂരില്‍ ഏപ്രിലില്‍ നടന്ന ദേശീയ യൂത്ത് ചാമ്പ്യന്‍ഷിപ്പിലും മികച്ച സമയത്തോടെ (2.01.65) സ്വര്‍ണം കരസ്ഥമാക്കിയിരുന്നു.
കായിക ലോകത്തേക്കിറങ്ങിയ വിഷ്ണു പ്രിയ കഴിഞ്ഞ നാലുവര്‍ഷം തുടര്‍ച്ചയായി 400 മീറ്റര്‍ ഹഡില്‍സില്‍ ദേശീയ ചാംപ്യനാവുമ്പോള്‍ ഹഡില്‍സില്‍ 3 വര്‍ഷത്തിനിടക്ക് നേടിയിട്ടുള്ള നേട്ടമാണിത്. പാലക്കാട് ഒളിമ്പിക്‌സ് അത്‌ലറ്റിക്‌സിലെ അന്തര്‍ദേശീയ കായിക താരമായ സി ഹരിദാസും അനന്തകൃഷ്ണന്റെയും പരിശീലനം നേടി വിഷ്ണുപ്രിയയെന്ന മിടുക്കി ദേശീയ സ്‌കൂള്‍ മീറ്റ്, ദേശീയ ജൂനിയര്‍ മീറ്റ്, ദേശീയ യൂത്ത് മീറ്റ് എന്നിവയിലും സ്വര്‍ണം നേടിയ കായിക ലോകത്ത് വെന്നിക്കൊടി പാറിച്ചിട്ടുണ്ട്. മൂന്നു വര്‍ഷം മുമ്പ് പാലക്കാട് മെഡിക്കല്‍ കോളജ് മൈതാനത്ത് പരിശീലകനായ ഹരിദാസിന്റെ കൈപിടിച്ച് കായികലോകത്ത് ഹരിശ്രീ കുറിക്കുമ്പോള്‍ ആരും കരുതിയില്ല കടല്‍കടന്നൊരു വെന്നിക്കൊടി രാജ്യത്തിന് വേണ്ടി ഈ കൊച്ചു മിടുക്കി പാറിക്കുമെന്ന്.
എന്നാല്‍ കാലം കഥ മാറ്റിയെഴുതിയപ്പോള്‍ പരിമിതികളുടെ നടുവിലും പതറാതെ ജനിച്ചു വളര്‍ന്ന നാടിനും അക്ഷരജ്ഞാനം പകര്‍ന്നു നല്‍കിയ വിദ്യാലയത്തിനും മാത്രമല്ല സംസ്ഥാനത്തിനും രാജ്യത്തിനും തന്നെ അഭിമാനതിലകമായി മാറിയിരിക്കുകയാണ് വിഷ്ണു പ്രിയയെന്ന കായിക താരം.
ബാങ്കോക്കിന്റെ സ്റ്റേഡിയത്തിലെ വിക്‌റടി സ്റ്റാന്റില്‍ ദേശീയ പതാക പുതച്ച് നെല്ലറയുടെ നാടായ പാലക്കാടിന്റെ സ്വന്തം വിഷ്ണു പ്രിയ തിളങ്ങി നിന്നപ്പോള്‍ സാക്ഷരകേരളത്തിന്റെ കായിക സ്വപ്നങ്ങളില്‍ തന്നെ ഒരു നൂതന അധ്യായം സ്വര്‍ണലിപികളാല്‍ കുറിക്കുമ്പോള്‍ വിഷ്ണു പ്രിയയുടെ കായിക മോഹങ്ങളും വാനോളം വാഴ്ത്തപ്പെടുകയാണ്.