ഇംഫാൽ: വംശീയ കലാപം വീണ്ടും രൂക്ഷമായ സാഹചര്യത്തിൽ 10,000 സൈനികരെ കൂടി മണിപ്പൂരിലേക്ക് അയക്കാൻ കേന്ദ്രം.  ഇതോടെ മണിപ്പൂരിൽ കേന്ദ്ര സേനയുടെ മൊത്തം കമ്പനി പട്ടാളങ്ങളുടെ എണ്ണം 288 ആയി ഉയർത്തും. 90 കമ്പനി സൈനികരേയാണ് പുതിയതായി അയയ്ക്കുന്നത്. മണിപ്പൂർ സുരക്ഷാ ഉപദേഷ്ടാവ് കുൽദീപ് സിങ് മാധ്യമങ്ങളോട് വ്യക്തമാക്കി.

2023 മുതൽ ഇതുവരെ 258 പേരാണ് മണിപ്പൂരിൽ കലാപത്തിൽ മരിച്ചത്. കലാപം ആരംഭിച്ച് ഇതുവരെ 3,000 ആയുധങ്ങൾ സുരക്ഷാ സേന കണ്ടെത്തി. പൊലിസിന്റെ ആയുധപ്പുരകളിൽ നിന്നു കൊള്ളയടിച്ച ആയുധങ്ങളാണ് ഇവ.

ജനങ്ങളുടെ ജീവനും സ്വത്തിനും സംരക്ഷണം നൽകുന്നതിനും, ദുർബല പ്രദേശങ്ങളുടെ നിരീക്ഷണത്തിനുമാണ് സേനയെ നിയോ​ഗിക്കുന്നത്. എല്ലാ പ്രദേശങ്ങളിലേക്കും നിരീക്ഷണം വ്യാപിക്കും.  എല്ലാ ജില്ലകളിലും പുതിയ കോ ഓർഡിനേഷൻ സെല്ലുകളും ജോയിന്റ് കൺട്രോൾ റൂമുകളും സ്ഥാപിക്കുമെന്നും, നിലവിലുള്ളവയുടെ പ്രവർത്തനം വിലയിരുത്തിയതായും അദ്ദേഹം വ്യക്തമാക്കി.

Manipur Rebellion; Center to send 10,000 more troops