2024 സെപ്റ്റംബർ 1-ന് ശേഷം റെസിഡൻസി വിസ ലംഘനങ്ങൾ നടത്തിയിട്ടുള്ളവർക്ക് യുഎഇ നിലവിൽ പ്രഖ്യാപിച്ചിട്ടുള്ള പൊതുമാപ്പ് പദ്ധതിയുടെ ആനുകൂല്യം ലഭിക്കില്ലെന്ന് അധികൃതർ വ്യക്തമാക്കി. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.

2024 സെപ്റ്റംബർ 1-ന് ശേഷം റെസിഡൻസി വിസ ലംഘനങ്ങൾ നടത്തിയിട്ടുള്ളവരെ 2024 ഡിസംബർ 31 വരെയുള്ള പൊതുമാപ്പ് പദ്ധതിയിൽ ഉൾപ്പെടുത്തിയിട്ടില്ല. റെസിഡൻസി വിസ ലംഘനങ്ങൾ നടത്തിയിട്ടുള്ളവർക്കായി യുഎഇ പ്രഖ്യാപിച്ച പൊതുമാപ്പ് പദ്ധതിയുടെ കാലാവധി 2024 ഡിസംബർ 31ന് അവസാനിക്കും. ഇവരെ കൂടാതെ ക്രിമിനൽ കുറ്റകൃത്യങ്ങളുമായി ബന്ധപ്പെട്ട് കൊണ്ട് യുഎഇയിൽ നിന്ന് നാട് കടത്തപ്പെടുന്നതിന് രാജ്യത്തെ കോടതികൾ ശിക്ഷ വിധിച്ചിട്ടുള്ള പ്രവാസികൾ, നാട് കടത്തുന്നതിന് ജിസിസി രാജ്യങ്ങളിലെ കോടതികൾ ശിക്ഷ വിധിച്ചിട്ടുള്ള പ്രവാസികൾ, രാജ്യത്തേക്ക് അനധികൃതമായി പ്രവേശിച്ചിട്ടുള്ളവർ എന്നിങ്ങനെയുള്ളവർക്കും പൊതുമാപ്പ് പദ്ധതിയുടെ പ്രയോജനം ലഭ്യമാകില്ല.

2024 സെപ്റ്റംബർ 1 മുതൽ ഈ പൊതുമാപ്പ് പദ്ധതി യുഎഇയിൽ ആരംഭിച്ചിരുന്നു. പദ്ധതി ഒക്ടോബർ 31-ന് അവസാനിക്കുമെന്നാണ് അധികൃതർ ആദ്യം അറിയിച്ചിരുന്നതെങ്കിലും മനുഷ്യത്വപരമായ ഘടകങ്ങൾ കണക്കിലെടുത്ത്  ഈ തീരുമാനം ഭേദഗതി ചെയ്ത് പൊതുമാപ്പ് 2024 ഡിസംബർ 31 വരെ നീട്ടാൻ അധികൃതർ തീരുമാനിക്കുകയായിരുന്നു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

 The UAE government has announced that there will be no extension for the visa amnesty period that ended on October 31, 2024. Individuals who failed to regularize their status or exit the country during the amnesty period will now face penalties.