പൊട്ടച്ചിറ: മത ഭൗതിക സമന്വയ വിദ്യാഭ്യാസ സ്ഥാപനമായ അന്‍വരിയ്യ അറബിക് കോളജിലേക്ക് അപേക്ഷ ക്ഷണിച്ചു. ദഅ്‌വാ കോഴ്‌സിലേക്ക് മദ്‌റസ അഞ്ചാം ക്ലാസും സ്‌കൂള്‍ ഏഴാം ക്ലാസും പൂര്‍ത്തിയാക്കിയ വിദ്യാര്‍ഥികളാണ് അപേക്ഷിക്കേണ്ടത്. 

ഹിഫ്‌ള് കോളജിലേക്ക് മദ്‌റസ നാലാം ക്ലാസ് പൂര്‍ത്തിയാക്കിയ 11 വയസ് കവിയാത്തവര്‍ക്കും അപേക്ഷിക്കാം. പത്ത് വര്‍ഷത്തെ പഠനകാലയളവില്‍ പാരമ്പര്യ ദര്‍സി കിതാബുകളില്‍ ആഴത്തിലുള്ള പഠനം സാധ്യമാക്കുന്ന അന്‍വരിയ്യ ബിരുദവും ഭൗതിക രംഗത്ത് കാലിക്കറ്റ് യൂനിവേഴ്‌സിറ്റിയുടെ ഡിഗ്രിയും നല്‍കുന്നു.
അറബി, ഉര്‍ദു, ഇംഗ്ലിഷ്, മലയാളം ഭാഷകളിലും കലാസാഹിത്യ രംഗങ്ങളിലുള്ള മികച്ച പരിശീലനം, കംപ്യൂട്ടര്‍ പരിജ്ഞാനം, സമസ്ത ഹിസ്ബ് ട്രെയ്‌നിങ് തുടങ്ങിയവ ഉള്‍പെടുന്നതാണ് പാഠ്യപദ്ധതി. ശരീഅത്ത് കോളജ് പ്രവേശന പരീക്ഷ മെയ് എട്ടിനും ഹിഫ്‌ള് പ്രവേശന പരീക്ഷ മെയ് 15നും രാവിലെ 10ന് കോളജില്‍ നടക്കും.
ഓണ്‍ലൈന്‍ രജിസ്‌ട്രേഷന്‍, അപേക്ഷ ഫോം വെബ്‌സൈറ്റില്‍ ലഭ്യമാണ്. വിവരങ്ങള്‍ക്ക്  9961388178, 9400538243.