സന്‍ആ: അവസാനിക്കാത്ത യുദ്ധവും കൊവിഡും മൂലം ഈവര്‍ഷം യമനില്‍ നിന്ന് പലായനം ചെയ്തത് ഒരുലക്ഷം പേര്‍. അന്താരാഷ്ട്ര അഭയാര്‍ഥി സംഘടനയുടേതാണ് കണക്ക്. 16,601 കുടുംബങ്ങളിലെ 99,606 പേരാണ് ജനുവരി മുതല്‍ ജൂണ്‍ 27 വരെയായി യമന്‍ വിട്ടതെന്ന് സംഘടന വ്യക്തമാക്കുന്നു.
1,118 പേര്‍ക്ക് കൊവിഡ് ബാധിച്ച യമനില്‍ 302 പേര്‍ രോഗം ബാധിച്ച് മരിച്ചു. അതിനിടെ കൊവിഡ് കൂടി വന്നതോടെ രാജ്യത്ത് ഭക്ഷ്യവില 35 ശതമാനം വര്‍ധിച്ചതായി യു.എന്‍ അറിയിച്ചു.