ആയഞ്ചേരി: അക്രമ രാഷ്ട്രീയത്തിനും വര്‍ഗീയതക്കുമെതിരേയുള്ള ജനങ്ങളുടെ പൊതുവികാരമാണ് സ്ഥാനാര്‍ഥി എന്ന നിലയില്‍ നാട്ടിന്‍ പുറങ്ങളില്‍ പോലും വന്‍ ജനാവലി പങ്കെടുക്കുന്ന സ്വീകരണ കേന്ദ്രങ്ങളെന്ന് യു.ഡി.എഫ് സ്ഥാനാര്‍ഥി കെ. മുരളീധരന്‍ അഭിപ്രായപ്പെട്ടു. കടമേരി കാമിച്ചേരിയില്‍ നടന്ന കുടുംബ സംഗമത്തില്‍ സംസാരിക്കുകയായിരുന്നു അദ്ദേഹം. യോഗം പാറക്കല്‍ അബ്ദുല്ല ഉദ്ഘാടനം ചെയ്തു. എസ്.പി കുഞ്ഞമ്മദ് മുഖ്യപ്രഭാഷണം നടത്തി. നൊച്ചാട്ട് കുഞ്ഞബ്ദുല്ല, അമ്മാരപ്പള്ളി കുഞ്ഞിശങ്കരന്‍, ഇബ്രാഹീം മുറിച്ചാണ്ടി, പി.എം അബൂബക്കര്‍, അഡ്വ. പ്രമോദ് കക്കട്ടില്‍, കടമേരി ബാലകൃഷ്ണന്‍, കെ.കെ ഹമീദ്, ഹാരിസ് മുറിച്ചാണ്ടി, ദീപ മന്തരത്തൂര്‍, കളത്തില്‍ അബ്ദുല്ല, പി.എം ഷിജിത്ത്, കാട്ടില്‍ മൊയ്തു, കിളിയമ്മല്‍ കുഞ്ഞബ്ദുല്ല, എം.എം നഷീദ, എം.പി ഷാജഹാന്‍, മന്‍സൂര്‍ എടവലത്ത്, പടിഞ്ഞാറെക്കണ്ടി രാജേഷ്, മലയില്‍ ബാലകൃഷ്ണന്‍, കായക്കണ്ടി ഹമീദ് എന്നിവര്‍ സംബന്ധിച്ചു.