തൃശൂര്‍: ചെമ്പൂകാവില്‍ സര്‍ക്കാര്‍ ടെക്‌നിക്കല്‍ ഹൈസ്‌കൂളില്‍ എട്ടാം ക്ലാസ് പ്രവേശനത്തിനുളള അപേക്ഷ മെയ് 3 വൈകിട്ട്  മൂന്ന് മണിവരെ സ്വീകരിക്കും. ഏഴാം ക്ലാസ് വിജയിച്ച മലയാളംഇംഗ്ലീഷ് മീഡിയം വിദ്യാര്‍ഥികള്‍ക്ക് അപേക്ഷിക്കാം. അപേക്ഷാ ഫോം സ്‌കൂള്‍ ഓഫിസില്‍ ലഭ്യമാണ്. മെയ് 8 രാവിലെ 10 മുതല്‍ 11.30 വരെ നടത്തുന്ന പ്രവേശന പരീക്ഷയുടെ അടിസ്ഥാനത്തിലായിരിക്കും പ്രവേശനം. ഒന്‍പതിന് യോഗ്യത പട്ടിക പ്രസിദ്ധീകരിക്കും.
പത്തിന് ഒന്നാം ഘട്ടം പ്രവേശനം നടത്തും. ടെക്‌നിക്കല്‍ ഹയര്‍ സെക്കന്‍ഡറി പാസായവര്‍ക്ക് പോളിടെക്‌നിക് പ്രവേശനത്തിന് 10 ശതമാനം സംവരണമുണ്ട്. പിന്നോക്ക വിഭാഗക്കാര്‍ക്ക് പ്രവേശനത്തിന് നിയമാനുസൃത സംവരണം ഉണ്ടായിരിക്കും. മെറിറ്റടിസ്ഥാനത്തില്‍ ഓരോ ബാച്ചിലെ 10 ശതമാനം വിദ്യാര്‍ഥികള്‍ക്ക് എം.സി.എം സ്‌കോളര്‍ഷിപ്പും, പട്ടികജാതിവര്‍ഗ വിദ്യാര്‍ഥികള്‍ക്ക് മറ്റ് പിന്നോക്ക വിഭാഗത്തിനുളള സ്‌കോളര്‍ഷിപ്പും ലംസം ഗ്രാന്‍ഡ് എന്നിവ ലഭിക്കും. ഫോണ്‍ : 0487-2333460.