കുന്നംകുളം: കാണിപ്പയ്യൂരില്‍ ആള്‍ താമസമില്ലാത്ത വീട്ടില്‍ മോഷണം. അഞ്ചര പവന്‍ സ്വര്‍ണാഭരണങ്ങളും, 15000 രൂപയും, മുപ്പതിനായിരം രൂപയുടെ വിദേശ കറന്‍സി, വെള്ളി പാത്രങ്ങള്‍, വിളക്ക് തുടങ്ങിയവയാണ് നഷ്ടപെട്ടത്.
കുന്നംകുളം പൊലിസ് കോര്‍ട്ടേഴ്‌സിനടുത്ത് കാണിപ്പയ്യൂര്‍ കരണംകോട്ട് ശിവദാസന്റെ മകന്‍ അജിതന്റെ വീട്ടിലാണ് മോഷണം നടന്നത്. ഇയാള്‍ ഗുജറാത്തിലാണ്. ശിവദാസന്റെ സഹോദരി വെള്ളമെടുക്കുന്നതിനായി വീട്ടിലെത്തിയപ്പോള്‍ മുന്‍വശത്തെ വാതില്‍ തുറന്ന് കിടക്കുന്നത് കണ്ട് അകത്ത് കയറിയപ്പോഴാണ് സാധനങ്ങള്‍ വലിച്ചുവാരിയിട്ടിരിക്കുന്നത് കണ്ടത്.
തുടര്‍ന്ന് ശിവദാസനെ വിളിച്ചുവരുത്തി. കുന്നംകുളം പൊലിസില്‍ പരാതി നല്‍കി.