പരപ്പ: കമ്മാടം മഖാം ഉറൂസ് ഏപ്രില്‍ ഇന്നുമതല്‍ എട്ടുവരെയായി കമ്മാടം വലിയുള്ളാഹി നഗറില്‍ നടക്കും. ഇന്ന് രാത്രി എട്ടിന് ഉസ്താദ് യഹിയ മുഹമ്മദ് മുസ്ലിയാര്‍ മതപ്രഭാഷണം ഉദ്ഘാടനം ചെയ്യും. ഉറൂസ് കമ്മിറ്റി വൈസ് ചെയര്‍മാന്‍ അഹമ്മദ് മൗലവി കുളത്തിങ്കാല്‍ അധ്യക്ഷനാകും. ഉസ്താദ് സഹല്‍ അല്‍ അസ്ഹരി മജ്ലിസുന്നൂറിന് നേതൃത്വം നല്‍കും.
അഞ്ചിന് ഉച്ചക്ക് 1.30ന് മഖാം സിയാറത്ത്. മുതവല്ലി കമ്മാടം മുസ്ലിം ജമാഅത്ത് പ്രസിഡന്റ് കെ.പി അബ്ദുല്‍ റഹ്മാന്‍ ഹാജി പതാക ഉയര്‍ത്തും. തുടര്‍ന്ന് നെരോത്ത് കൂലോം പെരട്ടൂര്‍ ക്ഷേത്ര സ്ഥാനികരുടെ മഖാം സന്ദര്‍ശനം. രണ്ടിന് നടക്കുന്ന സാംസ്‌കാരിക കൂട്ടായ്മ കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ്ഹാജി ഉദ്ഘാടനം ചെയ്യും. കമ്മാടം ജമാഅത്ത് പ്രസിഡന്റ് കെ.പി സുല്‍ഫിക്കര്‍ അധ്യക്ഷനാകും. രാത്രി 8ന് മതപ്രഭാഷണം. തുടര്‍ന്ന് അല്‍ ഹാഫിസ് മുഹമ്മദ് ആഷിഖ് ഇബ്രാഹിം മുഖ്യപ്രഭാഷണം നടത്തും.
ആറിന് കമ്മാടം ജമാഅത്ത് പ്രവാസി പ്രസിഡന്റ് കെ.പി നസീറിന്റെ അധ്യക്ഷതയില്‍ കാഞ്ഞങ്ങാട് ജമാഅത്ത് ഖാസി സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉറൂസ് ഉദ്ഘാടനം ചെയ്യും. കീച്ചേരി അബ്ദുല്‍ഗഫൂര്‍ മൗലവി മുഖ്യപ്രഭാഷണം നടത്തും.
ഏഴിന് രാത്രി ഏഴിന് ബുര്‍ദ് മജ്ലിസ്, 8.30ന് മതപ്രഭാഷണം, ബിരിക്കുളം ജുമാമസ്ജിദ് ഖത്തീബ് അബ്ദുല്‍ അസീസ് ലത്തീഫി കമ്മാടത്തിന്റെ അധ്യക്ഷതയില്‍ ജലീല്‍ ദാരിമി കുറ്റിയേരിയുടെ മുഖ്യപ്രഭാഷണം. തുടര്‍ന്ന് നടക്കുന്ന കൂട്ട പ്രാര്‍ഥനക്ക് സയ്യിദ് ജാഅ്ഫര്‍ സാദിക്ക് തങ്ങള്‍ കുമ്പോല്‍ നേതൃത്വം നല്‍കും.
സമാപന ദിവസമായ എട്ടിന് ഉച്ചക്ക് 1.30ന് ഉസ്താദ് യഹ്യ മുഹമ്മദ് മുസ്ലിയാരുടെ നേതൃത്വത്തില്‍ മൗലീദ് പാരായണവും കൂട്ടപ്രാര്‍ഥനയും. 4ന് അന്നദാനം. വാര്‍ത്താസമ്മേളനത്തില്‍. ജമാത്ത് പ്രസിഡന്റ് കെ.പി സുല്‍ഫിക്കര്‍, സെക്രട്ടറി താജുദ്ദീന്‍ കമ്മാടം, ഉറൂസ് കമ്മറ്റി കണ്‍വീനര്‍ യു.വി മുഹമ്മദ് കുഞ്ഞി, പ്രവാസി കമ്മിറ്റി പ്രസിഡന്റ് കെ.പി നസീര്‍, പി. അമീര്‍, എന്‍. ഷെറിക്ക്, പി. മഹമ്മൂദ്, ഷമീല്‍ പുലിയംകുളം എന്നിവര്‍ സംബന്ധിച്ചു.