ബാഴ്‌സലോണ: കരിയറില്‍ 700 ാം ഗോളെന്ന നാഴികക്കല്ലും പിന്നിട്ട് അര്‍ജന്റീനന്‍ ഫുട്‌ബോള്‍ ഇതിഹാസം ലയണല്‍ മെസ്സി. കഴിഞ്ഞ ദിവസം നടന്ന ലാലിഗ മത്സരത്തില്‍ അത്‌ലറ്റിക്കോ മാഡ്രിഡിനെതിരേ ഗോള്‍ നേടിയതോടെയാണ് മെസ്സി 700 ഗോള്‍ സ്വന്തമാക്കിയത്. 862 മത്സരത്തില്‍ നിന്നാണ് മെസ്സി നേട്ടം സ്വന്തമാക്കിയത്. ബാഴ്‌സലോണക്ക് വേണ്ടി 630 ഗോളുകളും അര്‍ജന്റീനയ്ക്ക് വേ@ണ്ടി 70 ഗോളുകളുമാണ് മെസ്സി ഇതുവരെ നേടിയത്. 2005ല്‍ റൊണാള്‍ഡീനോയുടെ പാസില്‍ നിന്നായിരുന്നു മെസ്സി കരിയറിലെ ആദ്യ ഗോള്‍ നേടിയത്. അതേ സമയം 700ാം ഗോള്‍ പെനാല്‍റ്റിയില്‍ നിന്നുമായിരുന്നു മെസ്സി സ്വന്തമാക്കിയത്. 2012 ഒരു സീസണില്‍ 91 ഗോളുകള്‍ നേടിക്കൊണ്ട് ഒരു സീസണില്‍ ഏറ്റവും കൂടുതല്‍ ഗോളുകള്‍ എന്ന റെക്കോര്‍ഡ് മെസ്സി കരിയറില്‍ കുറിച്ചിരുന്നു. ഇനി ബാഴ്‌സലോണക്ക് വേ@ണ്ടി 13 ഗോളുകള്‍ കൂടെ നേടിയാല്‍ ഒരു ക്ലബിനായി ഏറ്റവും കൂടുതല്‍ ഗോളുകള്‍ നേടുന്ന താരമെന്ന റെക്കോര്‍ഡും മെസ്സിക്ക് സ്വന്തമാക്കാം. ക്രിസ്റ്റ്യാനോ റൊണാള്‍ഡോയും ഇതിന് മുമ്പ് 700 ഗോള്‍ സ്വന്തമാക്കിയിരുന്നു. 974 മത്സരത്തില്‍ നിന്നായിരുന്നു ക്രിസ്റ്റ്യാനോ റൊണാള്‍ഡോയുടെ നേട്ടം.