നരിക്കുനി: കൊടുവള്ളി മണ്ഡലം മുസ്‌ലിം യൂത്ത് ലീഗ് ഖത്തര്‍ കെ.എം.സി.സിയുമായി സഹകരിച്ച് നടത്തുന്ന സി.എച്ച് സ്‌കോളര്‍ഷിപ്പ് പദ്ധതിയുടെ ഉദ്ഘാടനം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ് നിര്‍വഹിച്ചു.
പ്രസിഡന്റ് ടി. മൊയ്തീന്‍കോയ അധ്യക്ഷനായി. കരിയര്‍ ക്ലാസിന് ഡോ. എം.എസ് ജലീല്‍ നേതൃത്വം നല്‍കി. വിദ്യാര്‍ഥികള്‍ക്കുള്ള ടാലന്റ് സേര്‍ച്ച് പരീക്ഷയും നടന്നു. കഴിഞ്ഞ എസ്.എസ്.എല്‍.സി പരീക്ഷയില്‍ 80 ശതമാനം മാര്‍ക്ക് നേടിയ കൊടുവള്ളി മണ്ഡലത്തിലെ വിദ്യാര്‍ഥികള്‍ക്കായാണ് പരീക്ഷ നടന്നത്. തിരഞ്ഞെടുക്കുന്ന നൂറില്‍പരം വിദ്യാര്‍ഥികള്‍ക്ക് രണ്ടണ്ടു വര്‍ഷത്തേക്കാണ് സ്‌കോളര്‍ഷിപ്പ് നല്‍കുന്നത്. ഇതില്‍നിന്നു തിരഞ്ഞെടുക്കുന്ന വിദ്യാര്‍ഥികളുടെ ഉപരിപഠന ചെലവ് പൂര്‍ണമായും മണ്ഡലം യൂത്ത് ലീഗ് കമ്മിറ്റി ഏറ്റെടുക്കും.
കെ.കെ നവാസ്, എം.എ ഗഫൂര്‍, പി.വി ബഷീര്‍, അബ്ദുറഹ്മാന്‍ മണ്ണങ്കര, അബൂബക്കര്‍ മൗലവി, സുലൈമാന്‍ മാസ്റ്റര്‍, എ.പി നാസര്‍ മാസ്റ്റര്‍, വി.കെ അബ്ദുറഹ്മാന്‍, സുഹൈല്‍ എളേറ്റില്‍, എ.കെ കൗസര്‍, മുഹ്‌സിന്‍, എ. മിഹ്ജഹ്, ഇഖ്ബാല്‍ കത്തറമ്മല്‍, പി. അനീസ്, ഷമീര്‍ മോയത്ത്, വി.സി റിയാസ് ഖാന്‍, അഷ്‌റഫ് പൂലോട്, സുബൈര്‍ വെഴുപ്പൂര്‍, റാഫി ചെരച്ചോറ, കെ. ജാഫര്‍ മാസ്റ്റര്‍, എന്‍.കെ മുഹമ്മദലി, എം.ടി അയ്യൂബ് ഖാന്‍, മുനവ്വര്‍ സാദത്ത്, മുജീബ് ആവിലോറ, സഅദ് കൈവേലി മുക്ക്, നൗഫല്‍ പുല്ലാളൂര്‍, അന്‍വര്‍ ചക്കാലക്കല്‍, റാഷിദ് കാരക്കാട് സംസാരിച്ചു. ജനറല്‍ സെക്രട്ടറി റഫീഖ് കൂടത്തായി സ്വാഗതവും ട്രഷറര്‍ സി.കെ റസാഖ് മാസ്റ്റര്‍ നന്ദിയും പറഞ്ഞു.