കണ്ണൂര്‍: സ്‌കൂള്‍ പാചക തൊഴിലാളികളെ സര്‍ക്കാര്‍ ജീവനക്കാരായി അംഗീകരിക്കണമെന്നു ജില്ലാ കണ്‍വന്‍ഷന്‍ ആവശ്യപ്പെട്ടു. 250 വിദ്യാര്‍ഥിക്ക് ഒന്ന് എന്ന നിലയില്‍ തൊഴിലാളികളെ നിശ്ചയിക്കുക, മിനിമം വേതനം 18,000 രൂപായാക്കുക എന്നീ ആവശ്യങ്ങളും ഉന്നയിച്ചു. പാചക തൊഴിലാളികളെ നിയമിക്കാനും പിരിച്ചുവിടാനുമുള്ള അധികാരം പി.ടി.എയില്‍നിന്ന് ഒഴിവാക്കണമെന്നും ആവശ്യപ്പെട്ടു. സ്‌കൂള്‍ പാചക തൊഴിലാളി ഫെഡറേഷന്‍ സംസ്ഥാന പ്രസിഡന്റ് വി.പി കുഞ്ഞികൃഷ്ണന്‍ ഉദ്ഘാടനം ചെയ്തു. കെ. ലീല അധ്യക്ഷയായി. എം. സുരേന്ദ്രന്‍, സി. രവീന്ദ്രന്‍ സംസാരിച്ചു. ഭാരവാഹികള്‍: കെ. ലീല(പ്രസി.), ടി. വേണുഗോപാലന്‍, പി. രാമകൃഷ്ണന്‍, എം. പ്രകാശിനി, പി. രവീന്ദ്രന്‍ (വൈസ് പ്രസി.), കെ.വി ദേവി (സെക്ര.), കെ.എസ് ചന്ദ്രശേഖരന്‍, ഒ. ബിന്ദു, കെ. ഗൗരി, കെ. രാജന്‍ (ജോ. സെക്ര.), സി. രവീന്ദ്രന്‍(ട്രഷറര്‍).