കോഴിക്കോട്: മെഡിക്കല്‍ കോളജിനു സമീപം രണ്ടിടത്തായി വാട്ടര്‍ അതോറിറ്റിയുടെ  പൈപ്പ് പൊട്ടി മാസങ്ങളായി ശുദ്ധജലം പാഴാകുന്നതില്‍ പ്രതിഷേധിച്ച് മുസ്‌ലിം യൂത്ത്‌ലീഗ് പ്രവര്‍ത്തകര്‍ വാട്ടര്‍ അതോറിറ്റി എക്‌സിക്യൂട്ടിവ് എന്‍ജിനിയരെ  ഘരാവോ ചെയ്തു. മെയ് അഞ്ചിനകം പൈപ്പുകള്‍ മാറ്റിവച്ച് പ്രശ്‌നം  പരിഹരിക്കുമെന്ന് എന്‍ജിനീയര്‍ രേഖാമൂലം ഉറപ്പു നല്‍കി. ആഷിഖ് ചെലവൂര്‍ടി.പി.എം ജിഷാന്‍,  സെക്രട്ടറി വി. സുബൈര്‍, ഷൗക്കത്ത്, കെ.പി  റാഷിദ് സംസാരിച്ചു.