നിലമ്പൂര്‍: സാമൂഹ്യവിരുദ്ധര്‍ റോഡരികില്‍ കോഴി മാലിന്യങ്ങള്‍ തള്ളി. നിലമ്പൂര്‍ നായാടംപൊയില്‍ മലയോരപാതയില്‍ അമ്പതേക്കറിന് സമീപം കാടുമൂടിക്കിടക്കുന്ന സ്വകാര്യ വ്യക്തിയുടെ സ്ഥലത്താണ് കോഴിമാലിന്യങ്ങള്‍ ഉള്‍പ്പെടെ റോഡരികില്‍ തള്ളിയിരിക്കുന്നത്. മാലിന്യ മുക്ത പഞ്ചായത്തായ ചാലിയാറിലാണ് രാത്രിയുടെ മറവില്‍ സാമൂഹ്യ വിരുദ്ധര്‍ കോഴി മാലിന്യങ്ങള്‍ തള്ളിയിരിക്കുന്നത്. മഴ പെയ്താല്‍ 50 മീറ്റര്‍ അകലയുള്ള കുറുവന്‍ പുഴയിലേക്ക് മാലിന്യങ്ങള്‍ ഒഴുകിയെത്തും. ജനവാസം കുറഞ്ഞ ഈ മേഖലയില്‍ രാത്രി വാഹനഞള്‍ മാലിന്യവുമായി എത്തിയാല്‍ നാട്ടുകാര്‍ അറിയില്ല. ഇത് മുതലെടുത്താണ് സാമൂഹ്യ വിരുദ്ധര്‍ ഇവിടെ മാലിന്യം നിക്ഷേപിക്കുന്നത്. റോഡരികില്‍ കോഴി മാലിന്യം കുമിഞ്ഞുകൂടുന്നത്. കാല്‍നടയാത്രക്കാര്‍ക്ക് ഉള്‍പ്പെടെ പ്രയാസം സൃഷ്ടിക്കുകയാണ്