മുരിക്കാശ്ശേരി: പാചക വാതക സിലിണ്ടറിന് തീപിടിച്ചു. മുരിക്കാശ്ശേരി പതിനാറാം കണ്ടം നെല്ലിശ്ശേരി ഷാഹുലിന്റെ വീട്ടിലാണ് തീപിടിച്ചത്.
ഉടന്‍ മുരിക്കാശ്ശേരി പൊലിസില്‍ അറിയിച്ചെങ്കിലും ആരും എത്തിയില്ല.
ഇതോടെ വീട്ടുകാര്‍ കൂടുതല്‍ പരിഭ്രാന്തരായി. ഇതിനിടെ സംഭവം അറിഞ്ഞു എത്തിയ പ്രദേശവാസികളായ ഹാരിസ് വാഴപ്പറമ്പില്‍, അനസ് എല്‍പ്പറമ്പില്‍, സുനീര്‍ മൗലവി തുടങ്ങിയവര്‍ സിലിണ്ടറിലെ തീ അണച്ചു. ഇതോടെ വന്‍ ദുരന്തമാണ് ഒഴിവായത്.
അപകടാവസ്ഥ ഉണ്ടായാല്‍ 20 കിലോമീറ്റര്‍ അകലെയുള്ള ഫയര്‍ സ്‌റ്റേഷന്‍ ആണ് മുരിക്കാശ്ശേരിക്കാര്‍ക്ക് ആശ്രയം. ഈ സാഹചര്യത്തില്‍ പോലും സഹായം ചെയ്യാതിരുന്ന പൊലിസിനെതിരെ പ്രതിഷേധം ശക്തമായി.