ദുബായ്: യു.എ.ഇയില്‍ നിന്ന് നാട്ടിലേക്ക് വരാന്‍ വേണ്ടി ദുബായ് എയര്‍പോര്‍ട്ടിലെത്തി ഉറങ്ങിപ്പോയതിനെ തുടര്‍ന്ന് മലയാളിക്ക് വിമാനം നഷ്ടപ്പെട്ടു. കെ.എം.സി.സി ഏര്‍പ്പെടുത്തിയ പ്രത്യേക ചാര്‍ട്ടേഡ് വിമാനത്തില്‍ നാട്ടിലേക്ക് മടങ്ങാനിരുന്ന പി. ഷാജഹാന്‍ എന്ന 53 കാരനാണ് വിമാനം നഷ്ടമായത്.

തിരുവനന്തപുരത്തേക്കുള്ള എമിറേറ്റ്‌സ് ജംബോ ജെറ്റ് ചാര്‍ട്ടേഡ് വിമാനത്തിലാണ് ഷാജഹാന്‍ ടിക്കറ്റ് ബുക്ക് ചെയ്തിരുന്നത്. 1100 ദിര്‍ഹം മുടക്കിയാണ് ഇദ്ദേഹം ടിക്കറ്റെടുത്തത്. ടിക്കറ്റ് ഉറപ്പിക്കാന്‍ വേണ്ടി രാത്രിയില്‍ ഉറങ്ങാനായില്ലെന്നും ഇതാണ് വിമാനത്താവളത്തിലെ ഉറക്കത്തിലേക്ക് നയിച്ചതെന്നും ഷാജഹാന്‍ പറഞ്ഞു.

റാപിഡ് ടെസ്റ്റും പരിശോധനാ നടപടികളും പൂര്‍ത്തിയാക്കി നേരത്തെ തന്നെ ഷാജഹാന്‍ വിമാനത്താവളത്തില്‍ എത്തിയിരുന്നു. എന്നാല്‍ വൈകിട്ട് നാലരയോടെ താന്‍ ഉറങ്ങിപ്പോയെന്ന് ഷാജഹാന്‍ പറഞ്ഞു.