മാള: മുഹ്‌യിദ്ധീന്‍ മഹല്ല് കമ്മിറ്റിയുടെ ആഭിമുഖ്യത്തില്‍ ഹജ്ജ് പഠന ക്ലാസും മഹല്ലില്‍ നിന്നും ഹജ്ജിന് പോകുന്നവര്‍ക്ക് യാത്രയയപ്പും നടത്തി.
കൊല്ലം ഷിഹാബുദ്ധീന്‍ ഹസനി ഉദ്ഘാടനം ചെയ്തു. മഹല്ലില്‍ സേവന രംഗത്ത് പത്ത് വര്‍ഷം പൂര്‍ത്തീകരിച്ച ഉമര്‍ ഫൈസി മാളപള്ളിപ്പുറം ,അബ്ബാസ് സഖാഫി കനകക്കുന്ന് എന്നിവരെ മഹല്ല് ഇമാം സുബൈര്‍ മന്നാനി ഉപഹാരം നല്‍കി ആദരിച്ചു.
മഹല്ല് പ്രസിഡന്റ് എ.എ അഷറഫ് അദ്ധ്യക്ഷനായി .സെക്രട്ടറി എം.ഐ മുഹമ്മദലി,വൈസ് പ്രസിഡന്റ് എ .യു അക്ബര്‍ ,ബഷീര്‍ പുത്തന്‍പുരക്കല്‍ ,എകെ സാദിഖ് ,സഗീര്‍ കടവില്‍ ,വി എം അലി,നവാസ് എംകെ,കെ എ അബ്ദുല്‍ ജലീല്‍ ,ഷാജി കടവില്‍ ,വി എം സിറാജുദ്ധീന്‍ സംസാരിച്ചു.