ന്യൂഡല്‍ഹി: എന്തുകൊണ്ട് സ്ത്രീകള്‍ക്ക് രാജ്യത്ത് സമാധാനത്തോടെ ജീവിക്കാന്‍ കഴിയുന്നില്ല. രാജ്യത്ത് സ്ത്രീകള്‍ക്ക് നേരെയുള്ള അതിക്രമങ്ങള്‍ വര്‍ധിച്ചുവരുന്നുവെന്നും സുപ്രിം കോടതി നിരീക്ഷിച്ചു. ജസ്റ്റിസ് ദീപക് മിശ്രയുടെ ബെഞ്ചാണ് ഈ ചോദ്യം ചോദിച്ചത്. ഹിമാചാല്‍ പ്രദേശില്‍ 16 കാരിയെ പീഡനത്തിരയാക്കുകയും പെണ്‍കുട്ടി ആത്മഹത്യയ്ക്ക് ശ്രമിക്കുകയും ചെയ്ത കേസില്‍ വാദം കേള്‍ക്കുമ്പോഴാണ് നിരീക്ഷണം നടത്തിയത്. കേസില്‍ പ്രതിയായ വ്യക്തിക്ക് ഹിമാചാല്‍ പ്രദേശ് ഹൈക്കോടതി ഏഴു വര്‍ഷത്തെ തടവാണ് വിധിച്ചത്.

രാജ്യത്ത് സ്ത്രീകള്‍ക്കെതിരേയുള്ള അതിക്രമങ്ങള്‍ വര്‍ധിക്കുന്നു. ഒരു സ്ത്രീ ആരെ പ്രണയിക്കണമെന്നും വേണ്ടായെന്നും തീരുമാനിക്കാനുള്ള സ്വാതന്ത്ര്യം ആ സ്ത്രീയില്‍ മാത്രം നിക്ഷിപ്തമാണ്. ഈ വിഷയത്തില്‍ ആര്‍ക്കും സ്ത്രീകളെ നിര്‍ബന്ധിക്കാന്‍ പാടില്ല. ഇതാണ് പ്രണയത്തിന്റെ പുരുഷനും സ്ത്രീയും തമ്മിലുള്ള കോണ്‍സെപ്റ്റ് എന്നും കോടതി നിരീക്ഷിച്ചു.