വൈക്കം: ചെമ്മനാകരി പ്രദേശത്ത് വര്‍ധിച്ചുവരുന്ന കഞ്ചാവ് മാഫിയയുടെ ആക്രമണങ്ങളില്‍ കെ.പി.എം.എസ് അക്കരപ്പാടം ശാഖാ കമ്മിറ്റി പ്രതിഷേധിച്ചു. രാത്രികാലങ്ങളില്‍ ഫ്‌ളക്‌സുകളും ബോര്‍ഡുകളും നശിപ്പിച്ച് രാഷ്ട്രീയ സാമുദായിക പ്രവര്‍ത്തകര്‍ക്കിടയില്‍ ഭിന്നിപ്പിണ്ടാക്കാനാണ് മാഫിയ സംഘം ശ്രമിക്കുന്നത്.
ഇതിനെ ചോദ്യം ചെയ്തതിനു പ്രതികാരമായി കെ.പി.എം.എസ് അക്കരപ്പാടം ചെമ്മനാകരി ശാഖായോഗം സെക്രട്ടറി പി.ആര്‍ രാജീവിനും ഭാര്യ മോനിഷക്കും, കുട്ടികള്‍ക്കും രാത്രി സംഘത്തിന്റെ മര്‍ദ്ദനമേറ്റിരുന്നു.
നാട്ടുകാര്‍ ഓടിക്കൂടിയപ്പോള്‍ പ്രതികള്‍ ടൂവീലറില്‍ കയറി രക്ഷപെട്ടു. പൊലിസില്‍ അറിയിച്ചതിനെ തുടര്‍ന്ന് എസ്.ഐയുടെ നേതൃത്വത്തിലുള്ള സംഘം സ്ഥലത്തെത്തി അന്വേഷണം നടത്തിയിരുന്നു. മര്‍ദനമേറ്റ രാജീവും കുടുംബവും താലൂക്ക് ആശുപത്രിയില്‍ ചികിത്സയിലാണ്. രാജീവിനെയും കുടുംബത്തെയും അക്രമിച്ച പ്രതികളെ ഉടന്‍ അറസ്റ്റ് ചെയ്യണമെന്ന് ശാഖാ കമ്മിറ്റി യോഗം ആവശ്യപ്പെട്ടു.